കേന്ദ്ര സർക്കാരിന്റെ ശാസ്ത്ര സാങ്കേതിക വകുപ്പിനു കീഴിലുള്ള  ശ്രീചിത്ര ഇൻസ്റ്റിറ്റ്യൂട്ട് ഫോർ മെഡിക്കൽ സയൻസസ് ആൻഡ് ടെക്‌നോളജി (SCTIMST)  2026 അധ്യയന വർഷത്തേക്കുള്ള പോസ്റ്റ് ബേസിക് ഡിപ്ലോമ പ്രോഗ്രാം പ്രവേശനത്തിന് അപേക്ഷ ക്ഷണിച്ചു. ഓൺലൈൻ അപേക്ഷ സ്വീകരിക്കുന്ന അവസാന തീയതി ഡിസംബർ 16. എഴുത്തുപരീക്ഷ /അഭിമുഖ തീയതി:  ഡിസംബർ 22.

 ഒരു വർഷം ദൈർഘ്യമുള്ള രണ്ട് സ്പെഷ്യാലിറ്റി ഡിപ്ലോമ പ്രോഗ്രാമുകളാണ് ഇൻസ്റ്റിറ്റ്യൂട്ട് നൽകുന്നത്. (i) പോസ്റ്റ് ബേസിക് ഡിപ്ലോമ ഇൻ കാർഡിയോ - തൊറാസിക് നഴ്സിങ് (ii) പോസ്റ്റ് ബേസിക് ഡിപ്ലോമ ഇൻ ന്യൂറോ സയൻസ് നഴ്സിങ്.

 ഔട്ട്‌പേഷ്യന്റ്‌സ്, ഇൻപേഷ്യന്റ്, ഇന്റൻസീവ് കെയർ മേഖലകൾ എന്നിവയുൾപ്പെടെയുള്ള സ്‌പെഷ്യാലിറ്റികളിൽ നൈപുണ്യമുള്ള  നഴ്സുമാരായി മാറുന്നതിനു പ്രോഗ്രാം സഹായിക്കുന്നു. ഒരു വർഷത്തെ പ്രോഗ്രാം വിജയകരമായി പൂർത്തിയാക്കുന്നവർക്കു  രണ്ടാം വർഷത്തിൽ തുടരാൻ അനുവാദമുണ്ടാകും. കൂടുതൽ ക്ലിനിക്കൽ പരിചയം നേടാൻ ആഗ്രഹിക്കുന്ന വിദ്യാർഥികൾക്ക് പ്രോഗ്രാമിന്റെ രണ്ടാം വർഷം 'ഓപ്ഷണൽ' ആയി കണക്കാക്കാം. 

ALSO READ: ഡൽഹി ടെക്‌നോളജി യൂനിവേഴ്‌സിറ്റിയിൽ ഉപരിപഠനം; പിഎച്ച്ഡി അപേക്ഷ ഡിസംബർ 7 വരെ 

വിദ്യാഭ്യാസ യോഗ്യത

a. രജിസ്റ്റർ ചെയ്ത നഴ്സ് (ആർ. എൻ. & ആർ. എം.) അല്ലെങ്കിൽ തത്തുല്യം ആയിരിക്കണം. 
b. പ്രവേശനത്തിന് മുമ്പ് ഐ.എൻ.സി യിൽ നിന്നുള്ള സർട്ടിഫിക്കറ്റ്. 
c. ശാരീരികമായി ആരോഗ്യമുള്ളവരായിരിക്കണം.
 ഉയർന്ന പ്രായപരിധി 35 വയസ്. (2026 ജനുവരി 1 ലെ കണക്കനുസരിച്ച്), ഒ.ബി.സി അപേക്ഷകർക്ക് മൂന്ന് വർഷത്തെ ഇളവും എസ്സി/എസ്ടി അപേക്ഷകർക്ക് അഞ്ച് വർഷത്തെ ഇളവും ലഭിക്കും.
പൊതു പ്രവേശന പരീക്ഷയിൽ ലഭിച്ച മാർക്കിന്റെ ശതമാനത്തിന്റെ അടിസ്ഥാനത്തിൽ കർശനമായി മെറിറ്റ് അടിസ്ഥാനമാക്കിയായിരിക്കും തിരഞ്ഞെടുപ്പ്. ഒബ്ജക്ടീവ്-ടൈപ്പ് (എം.സി.ക്യു.) പരീക്ഷയിൽ എല്ലാവർക്കും ഏറ്റവും കുറഞ്ഞ വിജയ മാർക്ക് 50% ആയിരിക്കും. എസ്.സി/എസ്.ടി/ഒ.ബി.സി (എൻ.സി.എൽ) വിഭാഗക്കാർക്ക് മാർക്കിൽ ഇളവ് നൽകും. എഴുത്തുപരീക്ഷയിൽ യോഗ്യത നേടിയ അപേക്ഷകരെ പ്രാക്ടിക്കലിനായി ഷോർട്ട്ലിസ്റ്റ് ചെയ്യും. എഴുത്തുപരീക്ഷാ ഫലത്തോടൊപ്പം അഭിമുഖ തീയതിയും പ്രസിദ്ധീകരിക്കും.

കൂടുതൽ വിവരങ്ങൾക്ക്: ടെലിഫോൺ: 91-471-2524269/649/289/150 

ഇ-മെയിൽ: [email protected]. വെബ്സൈറ്റ്: www.sctimst.ac.in. ലിങ്ക്: www.sctimst.ac.in/academic and research/Academic/Admissions/ 

കൂടുതല്‍ education വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക