പാലക്കാട്: പാലക്കാട് ജില്ലയിൽ തോക്ക് ചൂണ്ടി ഒരു വ്യവസായിയെ ഒരു സംഘം തട്ടിക്കൊണ്ടുപോയി. ഇന്ന് വൈകിട്ട് ആറരയോടെ തിരുമിറ്റക്കോട് കോഴിക്കാട്ടിരി പാലത്തിന് സമീപമാണ് സംഭവം നടന്നത്.

സംഭവം ഇങ്ങനെ

കൂറ്റനാട് ഭാഗത്തുനിന്ന് ആറങ്ങോട്ടുകര ഭാഗത്തേക്ക് സ്വന്തം വാഹനത്തിൽ പോവുകയായിരുന്ന വ്യവസായിയെ ഒരു സംഘം ആളുകൾ വഴിയിൽ തടഞ്ഞുനിർത്തുകയായിരുന്നു.തുടർന്ന് തോക്ക് ചൂണ്ടി ഭീഷണിപ്പെടുത്തി ഇവർ വ്യവസായിയെ ഇന്നോവ കാറിൽ കയറ്റി ബലമായി തട്ടിക്കൊണ്ടുപോവുകയായിരുന്നു.

വിവരം ലഭിച്ച ഉടൻ തന്നെ ചാലിശ്ശേരി പൊലിസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്. തട്ടിക്കൊണ്ടുപോയ സംഘത്തെയും വ്യവസായിയെയും കണ്ടെത്താനുള്ള ശ്രമങ്ങൾ ഊർജ്ജിതമാക്കി.