ദുബൈ: ഗൾഫ് സഹകരണ കൗൺസിൽ (ജിസിസി) രാജ്യങ്ങൾ സംയുക്തമായി സ്ഥാപിക്കുന്ന പുതിയ സിവിൽ ഏവിയേഷൻ അതോറിറ്റിയുടെ ആസ്ഥാനമായി യുഎഇയെ തിരഞ്ഞെടുത്തു. ലോകത്തിലെ ഏറ്റവും വേഗത്തിൽ വളരുന്ന വ്യോമയാന മേഖലകളിലൊന്നായ ജിസിസി ബ്ലോക്കിലുടനീളം നിയന്ത്രണങ്ങൾ ഏകോപിപ്പിക്കാനും പ്രാദേശിക മത്സരശേഷി ശക്തിപ്പെടുത്താനും ലക്ഷ്യമിട്ടാണ് സുപ്രധാന നീക്കം.

ജിസിസി സുപ്രീം കൗൺസിലാണ് തീരുമാനത്തിന് അംഗീകാരം നൽകിയത്. ഗൾഫ് വിമാനക്കമ്പനികൾ അവരുടെ ആഗോള ശൃംഖല വികസിപ്പിക്കുന്നതിനും സർക്കാരുകൾ സാമ്പത്തിക സംയോജനം ലക്ഷ്യമിടുന്നതിനും ഈ ഏകോപനം സഹായകമാകും എന്ന് യുഎഇയുടെ ജനറൽ സിവിൽ ഏവിയേഷൻ അതോറിറ്റി (GCAA) പ്രസ്താവനയിൽ അറിയിച്ചു.

ALSO READ: വാടക വാഹനവുമായി അപകടകരമായ അഭ്യാസങ്ങൾ: അറസ്റ്റിലായ ടൂറിസ്റ്റിന് 2,000 ദിർഹം പിഴ, 23 ബ്ലാക്ക് പോയിന്റ്സ്, വാഹനം കണ്ടുകെട്ടി 

സംയുക്ത സഹകരണത്തിന് ഈ പുതിയ ബോഡി ഒരു നിർണായക നാഴികക്കല്ലാണ് അടയാളപ്പെടുത്തുന്നതെന്ന് യുഎഇ സാമ്പത്തിക, ടൂറിസം മന്ത്രിയും ജിസിഎഎ ചെയർമാനുമായ അബ്ദുള്ള ബിൻ തൗഖ് അൽ മാരി പറഞ്ഞു.

"പുതിയ ആസ്ഥാനത്തിന് ആതിഥേയത്വം വഹിക്കുന്നത് ആഗോള വ്യോമയാനത്തിൽ യുഎഇയുടെ സ്ഥാനം കൂടുതൽ ശക്തിപ്പെടുത്തും," അൽ മാരി പറഞ്ഞു. വ്യാപാരം, ടൂറിസം, ഗതാഗതം എന്നിവയിലുടനീളം മാനദണ്ഡങ്ങൾ ഏകീകരിക്കുന്നതിനുള്ള വിശാലമായ പ്രാദേശിക ശ്രമങ്ങളെ ഈ തീരുമാനം പിന്തുണയ്ക്കുമെന്നും അദ്ദേഹം കൂട്ടിച്ചേർത്തു.

യുഎഇയുടെ തിരഞ്ഞെടുപ്പ് രാജ്യത്തിന്റെ നിയന്ത്രണ ശേഷിയിലുള്ള ജിസിസി രാജ്യങ്ങളുടെ ആത്മവിശ്വാസത്തെയാണ് പ്രതിഫലിക്കുന്നതെന്ന് ജിസിഎഎ ഡയറക്ടർ ജനറൽ സെയ്ഫ് മുഹമ്മദ് അൽ സുവൈദി അഭിപ്രായപ്പെട്ടു.

പുതിയ അതോറിറ്റിയിലൂടെ നിയമനിർമ്മാണങ്ങൾ വിന്യസിക്കാനും സുരക്ഷാ മേൽനോട്ടം മെച്ചപ്പെടുത്താനും വ്യോമയാന മേഖലയിലെ അതിവേഗ സാങ്കേതിക മാറ്റങ്ങളുമായി അംഗരാജ്യങ്ങളെ പൊരുത്തപ്പെടുത്താനും ജിസിസിക്ക് സാധിക്കുമെന്ന് ജിസിഎഎ വ്യക്തമാക്കി.

the gcc has chosen the uae as the official headquarters for its unified civil aviation body, marking a major step toward enhancing regional air safety, regulatory alignment, and collaborative development. the new entity will streamline aviation policies across member states, promote innovation, and support broader integration within the gulf aviation sector, reinforcing the uae’s leadership in global aviation standards.