പട്ടാമ്പി: നന്മക്ക് വേണ്ടിയുള്ളപ്രവര്‍ത്തനങ്ങളായിരിക്കണം നമ്മുടേതെന്ന് പാണക്കാട് സയ്യിദ് മുനവ്വറലി ശിഹാബ്തങ്ങള്‍. മത ജാതി വര്‍ഗ വര്‍ണ വ്യത്യാസങ്ങള്‍ക്കതീതമായി മനുഷ്യന്‍ ഒന്നാണെന്ന ചിന്തയാണ് മനുഷ്യനെ വ്യത്യസ്തനാക്കുന്നത്. വിഭാഗീയത വളരുന്ന കാലഘട്ടമാണ് നമ്മുടേത്. മനുഷ്യമനസ്സുകള്‍ അകലുന്ന ശ്രമങ്ങള്‍ ആരുടെ ഭാഗത്തുനിന്നും ഉണ്ടാകാന്‍ പാടില്ല. അത് നമ്മുടെ പാരമ്പര്യങ്ങളോടും മൂല്യങ്ങളോടുമുള്ള വെല്ലുവിളിയാണെന്നും തങ്ങള്‍ പറഞ്ഞു. മുസ്‌ലിം ലീഗ് തിരുവേഗപ്പുറ ടൗണ്‍ കമ്മിറ്റി ആഭിമുഖ്യത്തില്‍ തിരുവേഗപ്പുറയിലെ പ്രവാസി കൂട്ടായ്മയായ ഗ്രീന്‍വോയ്‌സിന്റെ പെരുന്നാള്‍ വസ്ത്രത്തിന്റെയും ഓണപ്പുടവയുടെയും വിതരണ ചടങ്ങ് ഉദ്ഘാടനം ചെയ്യുകയായിരുന്നു തങ്ങള്‍.
എന്‍. ഇബ്രാഹിം അധ്യക്ഷനായി. എം.എ. സമദ് മുഖ്യപ്രഭാഷണം നടത്തി. എം.ടി.മുഹമ്മദലി, പി. സൈതാലി, കെ.ടി.എം. മാനു, വി.കെ. ബദറുദ്ദീന്‍, കെ.കെ.എ. അസീസ്, എം. അബ്ബാസ്, കെ.ടി. മജീദ്, അലി കുന്നുമ്മല്‍, എ.ടി. ഷംസുദ്ദീന്‍, കെ.പി. ത്വാഹ, എ.ടി. ബാവ, കെ.എ. റഷീദ്, കെ.കെ.എം. ഷരീഫ്, കെ.പി. മുഹമ്മദലി, കെ.പി. ഇബ്രാഹിം സംബന്ധിച്ചു. തിരുവേഗപ്പുറ ഗ്രാമപഞ്ചായത്തിലെ മികച്ച കര്‍ഷകനായി തിരഞ്ഞെടുത്ത കെ.പി. ഇബ്രാഹിമിനെ ചടങ്ങില്‍ ഉപഹാരം നല്‍കി പാണക്കാട് സയ്യിദ് മുനവ്വറലി ശിഹാബ് തങ്ങള്‍ ആദരിച്ചു.