ബ്രിസ്‌ബെയ്ന്‍: ആസ്‌ത്രേലിയന്‍ എ ടീമിനെതിരായ ചതുര്‍ദിന പോരാട്ടത്തില്‍ ഇന്ത്യ എ ടീമിനു ലീഡ്. രണ്ടാം ദിനം കളി അവസാനിക്കുമ്പോള്‍ ഇന്ത്യ എ ടീം രണ്ടാം ഇന്നിങ്‌സില്‍ രണ്ടു വിക്കറ്റ് നഷ്ടത്തില്‍ 44 റണ്‍സെന്ന നിലയില്‍. രണ്ടു ദിവസവും എട്ടു വിക്കറ്റും കൈയിലിരിക്കേ ഇന്ത്യന്‍ ടീമിനു 46 റണ്‍സ് ലീഡ്. ഏഴു റണ്‍സുമായി ശ്രേയസ് അയ്യരും ആറു റണ്‍സുമായി മനീഷ് പാണ്ഡെയും ക്രീസില്‍. ഹെര്‍വാദ്കര്‍ (23), ഫസല്‍ (ആറ്) എന്നിവരുടെ വിക്കറ്റുകളാണ് ഇന്ത്യക്ക് നഷ്ടമായത്.
നേരത്തെ ആദ്യ ഇന്നിങ്‌സില്‍ ഇന്ത്യ 230നു എല്ലാവരും പുറത്തായപ്പോള്‍ ആസ്‌ത്രേലിയന്‍ പോരാട്ടം 228ല്‍ അവസാനിപ്പിച്ച് രണ്ട് റണ്‍സ് ലീഡ് സ്വന്തമാക്കാന്‍ ഇന്ത്യക്ക് സാധിച്ചിരുന്നു. മൂന്നു വീതം വിക്കറ്റെടുത്ത വരുണ്‍ ആരോണ്‍, ജയന്ത് യാദവ് എന്നിവരുടെ ബൗളിങാണ് ഇന്ത്യക്ക് തുണയായത്.