മസ്‌കത്ത്: അന്താരാഷ്ട്ര ഫോട്ടോഗ്രഫി ഫെഡറേഷൻ (എഫ്ഐഎപി) സംഘടിപ്പിച്ച യുവ ഫോട്ടോഗ്രഫി ബിയന്നേലിയിൽ ഒമാൻ ഇരട്ട വിജയം സ്വന്തമാക്കി. ബഹ്‌റൈനിൽ നടന്ന മത്സരത്തിലാണ് ഒമാനിലെ യുവ ഫോട്ടോഗ്രാഫർമാർ അണ്ടർ 16, അണ്ടർ -25 വിഭാഗങ്ങളിലായി ലോകകപ്പ് കിരീടം നേടിയത്.

ALSO READ: ഹെൽമെറ്റ് നിർബന്ധം, അഭ്യാസപ്രകടനങ്ങൾ വേണ്ട: മോട്ടോർസൈക്കിൾ യാത്രികർക്ക് നിർദേശങ്ങളുമായി പൊലിസ് 

അണ്ടർ 16  വിഭാഗത്തിൽ 402 പോയിന്റുമായി ഒമാൻ മുന്നിലെത്തി. അണ്ടർ 25 വിഭാഗത്തിലും 348 പോയിന്റോടെ രാജ്യം ഒന്നാമത്. മത്സരത്തിലെ വ്യക്തിഗത വിഭാഗങ്ങളിലും ഒമാനിലെ യുവാക്കളാണ് മികവ് തെളിയിച്ചത്. Under-16 വിഭാഗത്തിൽ അമീർ ബിൻ മൊഹ്സിൻ അൽ ഹജ്റി എഫ്.ഐ.എ.പി വെള്ളി മെഡൽ നേടി. ലയാൻ ബിന്ത് സുൽത്താൻ അൽ ബതാഷി, യാസിൻ ബിൻ മൊഹ്സിൻ അൽ ഹജ്റി എന്നിവർ വെങ്കലം മെഡലുകൾ കരസ്ഥമാക്കി.

ALSO READ: മയക്കുമരുന്ന് കടത്ത്; ഒമാനിൽ രണ്ട് ഏഷ്യന്‍ പൗരന്മാർ പിടിയില്‍ 

അണ്ടർ‌ -25 വിഭാഗത്തിൽ വഹാബ് ബിൻ ഇബ്രാഹിം അൽ കിന്ദി എഫ്ഐഎപി  വെള്ളി മെഡൽ നേടി രാജ്യത്തിന് കൂടുതൽ പ്രതാപം കൂട്ടി. യുവ പ്രതിഭകളെ വളർത്താനും അവരുടെ കഴിവുകൾ  ലോകത്തിനുമുന്നിൽ എത്തിക്കാനുമുള്ള ഒമാന്റെ ശ്രമത്തിന്റെ  മനോഹരമായ  തെളിവായാണ് ഈ ഇരട്ട വിജയം കണക്കാക്കപ്പെടുന്നത്.

Omani youth photographer Wahab Al Kindi secures the prestigious FIAP Silver Medal in the Youth Category at the Photo World Cup. Major achievement for Oman.