ന്യൂഡല്‍ഹി: ഇന്‍ഡിഗോ പ്രതിസന്ധിക്ക് പിന്നാലെ ഡി.ജി.സി.ഐയിലെ നാല് ഉന്നത ഉദ്യോഗസ്ഥരെ പിരിച്ചുവിട്ടു. ഇന്‍ഡിഗോയുടെ ചുമതലയുണ്ടായിരുന്ന 4 ഫ്‌ളൈറ്റ് ഓപറേഷന്‍സ് ഇന്‍സ്‌പെക്ടര്‍മാരെയാണ് ഡി.ജി.സി.ഐ പുറത്താക്കിയത്. ആദ്യമായാണ് ഇന്‍ഡിഗോ പ്രതിസന്ധിയുമായി ബന്ധപ്പെട്ട് ഉദ്യോഗസ്ഥ തലത്തില്‍ നടപടിയുണ്ടാകുന്നത്. 

ഡെപ്യൂട്ടി ചീഫ് ഫ്‌ലൈറ്റ് ഓപ്പറേഷന്‍സ് ഇന്‍സ്‌പെക്ടര്‍ ഋഷിരാജ് ചാറ്റര്‍ജി, സീനിയര്‍ ഫ്‌ലൈറ്റ്  ഓപ്പറേഷന്‍സ് ഇന്‍സ്‌പെക്ടര്‍ സീമ ജാംനാനി, ഫ്‌ലൈറ്റ് ഓപ്പറേഷന്‍സ് ഇന്‍സ്‌പെക്ടര്‍മാരായ അനില്‍ കുമാര്‍ പൊഖ്‌റിയാല്‍, പ്രിയം കൗശിക് എന്നിവരെയാണ് പുറത്താക്കിയത്.

ഇന്‍ഡിഗോ പ്രതിസന്ധിയില്‍ ഡി.ജി.സി.എക്ക് വീഴ്ച പറ്റിയോ എന്ന് പരിശോധിക്കുമെന്ന് വ്യോമയാനമന്ത്രി പറഞ്ഞിരുന്നു. ഇന്‍ഡിഗോ പ്രതിസന്ധിക്ക് പരിഹാരമായതിന് പിന്നാലെയാണ് പുതിയ ചട്ടം നടപ്പാക്കിയതില്‍ ഡി.ജി.സി.എക്ക് വീഴ്ച പറ്റിയോയെന്ന് വ്യോമയാന മന്ത്രാലയം പരിശോധിക്കാനൊരുങ്ങുന്നത്. ഒപ്പം ഇന്‍ഡിഗോ പ്രതിസന്ധി മനഃപൂര്‍വം സൃഷ്ടിച്ചതാണോ എന്നും പരിശോധിക്കുന്നുണ്ട്.

Following the recent Indigo crisis, the Directorate General of Civil Aviation (DGCA) has dismissed four senior officials responsible for overseeing Indigo’s flight operations. This is the first major administrative action taken in connection with the incident.