ചാവക്കാട്: അഭിഭാഷകര്‍ക്ക് തൊഴില്‍പരമായ പ്രാവീണ്യം നല്‍കുകയെന്ന ലക്ഷ്യത്തോടെ ബാര്‍ കൗണ്‍സില്‍ ഓഫ് ഇന്ത്യ, കൊച്ചി എം.കെ നമ്പ്യാര്‍ അക്കാദമി, കേരള ബാര്‍ കൗണ്‍സില്‍ എന്നിവയുടെ സംയുക്താഭിമുഖ്യത്തില്‍ സംസ്ഥാനതല ഏകദിന ശില്‍പശാല നാളെ ചേറ്റുവ രാജ ഐലാന്റില്‍ നടക്കുമെന്ന് ബാര്‍ കൗണ്‍സില്‍ ഒഫ് ഇന്ത്യ എക്‌സിക്യൂട്ടിവ് കമ്മിറ്റി ചെയര്‍മാന്‍ അഡ്വ ടി.എസ് അജിത്, ജുവനൈല്‍ ജസ്റ്റിസ് ബോര്‍ഡ് അംഗം അഡ്വ. കെ.ബി ഹരിദാസ്, ചാവക്കാട് ബാര്‍ അസോസിയേഷന്‍ പ്രസിഡന്റ് അഡ്വ കെ.എച്ച് അബ്ദുള്‍സമദ്, സെക്രട്ടറി അഡ്വ. വി.ബി ബിജു എന്നിവര്‍ വാര്‍ത്താസമ്മേളനത്തില്‍ അറിയിച്ചു. രാവിലെ ഒന്‍പതിന് സുപ്രീംകോടതി ജഡ്ജി ജസ്റ്റിസ് ജസ്റ്റി ചെലമേശ്വര്‍ ശില്‍പശാല ഉദ്ഘാടനം ചെയ്യും. ബാര്‍ കൗണ്‍സില്‍ ഓഫ് ഇന്ത്യ ചെയര്‍മാന്‍ അഡ്വ മാനാന്‍ കുമാര്‍ മിശ്‌റ അധ്യക്ഷനാകും. കേരള ഹൈക്കോടതി ജഡ്ജ് ജസ്റ്റിസ് അബ്രഹാം മാത്യു മുഖ്യ പ്രഭാഷണം നടത്തും.