മക്ക: പരിശുദ്ധ ഹജ്ജ് കര്‍മ്മത്തിനായി മക്കയില്‍ എത്തിയ മലയാളി ഹജ്ജാജിമാര്‍ക്കു ഹജ്ജ് ചെയ്യേണ്ടതിനെ കുറിച്ചുള്ള അറിവും ചിട്ടകളും പകര്‍ന്നു നല്‍കി മുഹമ്മദ് ആശിഖ് നിസാമി ആശ്വാസമാകുന്നു. ഹജ്ജ് കര്‍മ്മത്തിനെത്തിയ മലയാളികള്‍ താമസിക്കുന്ന അസീസിയ എന്ന സ്ഥലത്തെ ക്യാംപിലെത്തിയാണു ചെറുവത്തൂര്‍ സ്വദേശിയായ മുഹമ്മദ് ആശിഖ് നിസാമി ക്ലാസെടുക്കുന്നത്. പുതുതായി ഹജ്ജ് ചെയ്യാനെത്തിയവര്‍ക്ക് അദ്ദേഹത്തിന്റെ ക്ലാസ് ഏറെ ഉപകാരപ്രദമാവുന്നുണ്ട്.
ഇഹ്‌റാം മുതല്‍ മിനാ യാത്ര, അറഫ, മുസ്തലിഫ, ജംറകളുടെ ഏറ്, ബലി കര്‍മ്മം, മുടികളയല്‍, ഇഫാവത്തിന്റെ തവാഫ് തുടങ്ങിയ ഹജ്ജിന്റെ കര്‍മ്മങ്ങളും ചടങ്ങുകളും വലിയ ചാര്‍ട്ടില്‍ പ്രദര്‍ശിപ്പിച്ചാണ് ക്ലാസെടുക്കുന്നത്.