മനാമ: ദേശീയ ദിനത്തിന്റെ ഭാ​ഗമായി ബഹ്റൈൻ രാജാവിനും ജനങ്ങൾക്കും ആശംസകൾ നേർന്ന് യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാനും, വൈസ് പ്രസിഡന്റ് ഷെയ്ഖ് മുഹമ്മദ് ബിൻ റാഷിദ് അൽ മക്തൂമും.

യുഎഇ പ്രസിഡന്റിന്റെ സന്ദേശം

യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ 'എക്‌സി'ലൂടെയാണ് ആശംസകൾ അറിയിച്ചത്.

"എന്റെ സഹോദരൻ രാജാവ് ഹമദ് ബിൻ ഈസ അൽ ഖലീഫയ്ക്കും ബഹ്‌റൈനിലെ ജനങ്ങൾക്കും അവരുടെ ദേശീയ ദിനത്തിൽ അഭിനന്ദനങ്ങൾ. ഈ പ്രത്യേക അവസരത്തിൽ, യുഎഇയും ബഹ്‌റൈനും തമ്മിലുള്ള ശക്തമായ സൗഹൃദബന്ധം ഞങ്ങൾ ആഘോഷിക്കുന്നു. ഇരു രാജ്യങ്ങൾക്കും, അവിടത്തെ ജനങ്ങൾക്കും, ഈ മേഖലയ്ക്കും കൂടുതൽ പുരോഗതിയും സമൃദ്ധിയും നൽകുന്നതിനായി ഞങ്ങളുടെ ബന്ധം ശക്തിപ്പെടുത്താൻ ഞങ്ങൾ ആഗ്രഹിക്കുന്നു." ഷെയ്ഖ് മുഹമ്മദ് എക്‌സിൽ വ്യക്തമാക്കി. 

ALSO READ: പാസ്‌പോർട്ടും എമിറേറ്റ്‌സ് ഐഡിയും ഇനി ഓട്ടോമാറ്റിക്കായി പുതുക്കാം: തഖ്‌ദീർ പാക്കേജുമായി യുഎഇ

ദുബൈ ഭരണാധികാരിയുടെ സന്ദേശം

"ഞങ്ങളുടെ സഹോദരൻ രാജാവ് ഹമദ് ബിൻ ഈസ അൽ ഖലീഫയ്ക്കും ബഹ്‌റൈനിലെ ജനങ്ങൾക്കും ദേശീയ ദിനാഘോഷത്തിൽ ഞങ്ങൾ അഭിനന്ദനങ്ങൾ അറിയിക്കുന്നു. ബഹ്‌റൈനിൽ സുരക്ഷയും സമാധാനവും സമൃദ്ധിയും എപ്പോഴും നിലനിർത്താനും, അവിടുത്തെ ജനങ്ങൾക്ക് തുടർച്ചയായ പുരോഗതി നൽകാനും ഞങ്ങൾ ദൈവത്തോട് പ്രാർത്ഥിക്കുന്നു." ദുബൈ ഭരണാധികാരി വ്യക്തമാക്കി. 

ബഹ്‌റൈനിൽ പൊതു അവധി

രാജ്യത്തിന്റെ ദേശീയ ദിനത്തോടനുബന്ധിച്ച് ബഹ്‌റൈനിൽ സർക്കാർ സ്ഥാപനങ്ങൾക്ക് അവധി പ്രഖ്യാപിച്ചിട്ടുണ്ട്. കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് അൽ ഖലീഫയാണ് ഈ പ്രഖ്യാപനം നടത്തിയത്.

ഡിസംബർ 16 ചൊവ്വാഴ്ചയും 17 ബുധനാഴ്ചയും ബഹ്‌റൈനിലെ എല്ലാ മന്ത്രാലയങ്ങൾക്കും, സർക്കാർ വകുപ്പുകൾക്കും, പൊതു സ്ഥാപനങ്ങൾക്കും അവധിയാണ്. ദേശീയ ദിനവും, കിംഗ് ഹമദ് ബിൻ ഈസ അൽ ഖലീഫയുടെ സ്ഥാനാരോഹണ ദിനവും പ്രമാണിച്ചാണ് ഈ അവധി.

UAE President Sheikh Mohamed bin Zayed Al Nahyan and Vice President Sheikh Mohammed bin Rashid Al Maktoum have extended warm wishes to the King and people of Bahrain on the occasion of Bahrain's National Day, reaffirming the strong bond between the two nations.