പത്തനംതിട്ട: തിരുവല്ല കെഎസ്ആര്‍ടിസി ബസ് സ്റ്റാന്‍ഡില്‍ നില്‍ക്കുകയായിരുന്ന പെണ്‍കുട്ടിയോട് അശ്ലീലം പറഞ്ഞ യുവാവിന്റെ തല പെണ്‍കുട്ടിയുടെ സുഹൃത്ത് ഇരുമ്പ് ചങ്ങല കൊണ്ട് അടിച്ചു പൊട്ടിച്ചു. ഇന്നലെ 10 മണിയോടെയാണ് സംഭവം നടന്നത്. ചങ്ങനാശേരി സ്വദേശിക്കാണ് പരിക്കേറ്റത്. പെണ്‍കുട്ടി ഫോണ്‍ ചെയ്തു പറഞ്ഞതിനെ തുടര്‍ന്നാണ് സുഹൃത്തായ യുവാവ് സ്ഥലത്തെത്തിയത്. പിന്നാലെ പെണ്‍കുട്ടിയുടെ സുഹൃത്തും അശ്ലീലം പറഞ്ഞ യുവാവും തമ്മില്‍ സ്റ്റാന്‍ഡിനു പുറത്തു വച്ച് വാക്കേറ്റമുണ്ടാവുകയായിരുന്നു.

അതിനിടെ യുവാവ് പാന്റിന്റെ പോക്കറ്റില്‍ സൂക്ഷിച്ചിരുന്ന ഇരുമ്പ് ചങ്ങല ഉപയോഗിച്ചു പെണ്‍കുട്ടിയുടെ സുഹൃത്തിനെ മര്‍ദ്ദിക്കാന്‍ ഒരുങ്ങി. എന്നാല്‍ ചങ്ങല പിടിച്ചു വാങ്ങിയ സുഹൃത്ത് യുവാവിന്റെ തലയ്ക്കിട്ട് അടിക്കുകയായിരുന്നു. അടികൊണ്ട് അശ്ലീലം പറഞ്ഞ യുവാവിന്റെ ഇടതു നെറ്റിയ്ക്കു മുറിവേല്‍ക്കുകയും ചെയ്തു. തിരുവല്ല സ്റ്റേഷനില്‍ നിന്നു പൊലിസ് എത്തി ഇരുവരെയും കസ്റ്റഡിയില്‍ എടുത്തു. സംഭവത്തില്‍ ഇതുവരെ കേസ് രജിസ്റ്റര്‍ ചെയ്തിട്ടില്ലെന്നു പൊലീസ് വ്യക്തമാക്കി.

ALSO READ: വേങ്ങരയില്‍ ഭര്‍ത്താവിന്റെ വീട്ടില്‍ യുവതിയെ ജീവനൊടുക്കിയ നിലയില്‍ കണ്ടെത്തി; അന്വേഷണമാരംഭിച്ച് പൊലിസ്

A youth from Changanassery was injured after a clash at the Thiruvalla KSRTC bus stand when he confronted a man who allegedly made obscene remarks to his female friend, with police taking both individuals into custody.