തൊടുപുഴ: തൊടുപുഴ കേന്ദ്രമായി പ്രവര്‍ത്തിക്കുന്ന കേരള അഗ്രികള്‍ച്ചറല്‍ ഡവലപ്‌മെന്റ് സൊസൈറ്റി സംഘടിപ്പിക്കുന്ന ഓണച്ചന്ത ഇന്നു മുതല്‍ പ്രവര്‍ത്തനം തുടങ്ങും. രാവിലെ 11ന് പി ജെ ജോസഫ് എംഎല്‍എ ഉദ്ഘാടനം ചെയ്യും.
വട്ടവട, കാന്തല്ലൂര്‍ മേഖലകളിലെ ശീതകാല പച്ചക്കറികളും നാടന്‍ പച്ചക്കറികളുമാണ് ചന്തയിലൂടെ വിലക്കുന്നത്. നാടന്‍ തേങ്ങ, വെളിച്ചെണ്ണ, ഏത്തക്കുല എന്നിവയ്ക്കായി പ്രത്യേക കൗണ്ടറുകള്‍ സജ്ജീകരിക്കും. നാല് കിലോഗ്രാം തൂക്കം വരുന്ന 20 ഇനം പച്ചക്കറികളടങ്ങിയ ഓണക്കിറ്റിന് 165 രൂപയാണ് വില. പൊതുവിപണിയിലേതിനേക്കാള്‍ പത്തുമുതല്‍ 30 ശതമാനം വരെ വിലക്കുറവിലാണ് ഉല്‍പ്പന്നങ്ങള്‍ വില്‍ക്കുന്നത്.