തിരുവനന്തപുരം: ക്രിസ്മസ് ആഘോഷങ്ങൾക്കായി കുടുംബം പള്ളിയിൽ പോയ സമയം നോക്കി കാട്ടാക്കടയിൽ വൻ മോഷണം. തൊഴുൽക്കോണം സ്വദേശി ഷൈൻ കുമാറിന്റെ വീട്ടിൽ നിന്നുമാണ് 60 പവൻ സ്വർണം മോഷ്ടാക്കൾ കവർന്നത്. ക്രിസ്മസ് തലേ ദിനത്തിൽ വൈകുന്നേരം 6 മണിക്കും രാത്രി 9 മണിക്കും ഇടയിലായിരുന്നു സംഭവം.

തിരുപിറവി പ്രാർത്ഥനകൾക്കായി ഷൈൻ കുമാറും കുടുംബവും പള്ളിയിൽ പോയ തക്കം നോക്കിയാണ് മോഷ്ടാക്കൾ വീടിനുള്ളിൽ കടന്നത്. പിടിക്കപ്പെടാതിരിക്കാൻ വീടിന്റെ വൈദ്യുതി ഫ്യൂസ് ഊരി മാറ്റിയ ശേഷമാണ് പ്രതികൾ അകത്ത് കയറിയത്. ഷൈൻ കുമാറിന്റെ ഭാര്യയുടെയും, വീട്ടിൽ സൂക്ഷിച്ചിരുന്ന ഭാര്യസഹോദരിയുടെയും സ്വർണാഭരണങ്ങളാണ് നഷ്ടപ്പെട്ടത്. രാത്രി 9 മണിയോടെ ഷൈൻ കുമാറിന്റെ ഭാര്യ അനുഭവ തിരികെ വീട്ടിലെത്തിയപ്പോഴാണ് വീടിന്റെ മുൻവാതിൽ തുറന്നു കിടക്കുന്നത് ശ്രദ്ധയിൽപ്പെട്ടത്. തുടർന്ന് നടത്തിയ പരിശോധനയിൽ അലമാരകൾ കുത്തിത്തുറന്ന നിലയിലും സ്വർണം നഷ്ടപ്പെട്ടതായും കണ്ടെത്തുകയായിരുന്നു.

സംഭവമറിഞ്ഞ് കാട്ടാക്കട പൊലിസ് സ്ഥലത്തെത്തി പ്രാഥമിക പരിശോധനകൾ നടത്തി. പ്രദേശത്തെ സിസിടിവി ദൃശ്യങ്ങൾ കേന്ദ്രീകരിച്ചാണ് നിലവിൽ അന്വേഷണം പുരോഗമിക്കുന്നത്. ക്രിസ്മസ് ദിനത്തിലെ തിരക്കിനിടയിൽ നടന്ന ഈ ആസൂത്രിത കവർച്ച നാട്ടുകാരെയും ഭീതിയിലാഴ്ത്തിയിട്ടുണ്ട്.

A major burglary took place at a house in Kattakada, Thiruvananthapuram, where thieves decamped with 60 sovereigns of gold. The incident occurred at the residence of Shine Kumar in Thozhukonam while the family was away attending Christmas Mass at a local church.

The robbery took place between 6:00 PM and 9:00 PM on Christmas Day. To avoid detection, the burglars disconnected the building's power fuse before breaking in through the front door. The theft was discovered when Shine Kumar’s wife, Anubhava, returned home and found the door wide open and the cupboards ransacked. The stolen jewelry included gold belonging to both the family and a relative. Local police have launched an investigation and are currently scanning CCTV footage from the area to identify the culprits.