മോസ്‌കോ: ക്രിസ്തുമസ് എന്ന് പറയുമ്പോള്‍ നമ്മുടെ മനസ്സില്‍ വരുന്ന തീയതി ഏതാണ്. ഡിസംബര്‍ 25. അതല്ലാത്ത ഒരു തീയതിയില്‍ ക്രിസ്മസ് വന്നത് നമ്മുക്കറിയില്ല. കാരണം നമ്മള്‍ അത് കണ്ടിട്ടില്ല. ലോകത്തിന്റെ ഭൂരിഭാഗം രാജ്യങ്ങളിലും ഡിസംബര്‍ 25നാണ് ക്രിസ്മസ് ആഘോഷിക്കുന്നത്. എന്നാല്‍ ഈ ദിവസം ക്രിസ്തുമസ് ആഘോഷിക്കാത്ത ചില രാജ്യങ്ങളുണ്ട്. അതറിയാമോ. 

റഷ്യ ഉള്‍പെടെ സോവിയറ്റ് യൂനിയന്റെ ഭാഗമായിരുന്ന ചില രാജ്യങ്ങളും ഈജിപ്റ്റിലെ കോപ്റ്റിക് ക്രിസ്ത്യന്‍സുമാണ് ഡിസംബര്‍ 25ന് ക്രിസ്തുമസ് ആഘോഷിക്കാത്തത്.  റഷ്യ, എത്യോപ്യ, സെര്‍ബിയ, ബെലാറസ്. ഉക്രൈന്‍, ഈജിപ്ത്. അര്‍മേനിയ എന്നിവയാണ് രാജ്യങ്ങള്‍. ഇതില്‍ അര്‍മേനിയ ഒഴികെ രാജ്യങ്ങളില്‍ ഏകദേശം രണ്ടാഴ്ച കഴിഞ്ഞ് ജനുവരി 7നാണ് ക്രിസ്മസ് ആഘോഷിക്കുന്നത്. അര്‍മേനിയയില്‍ ജനുവരി ആറിനാണ് ക്രിസ്തുമസ്. 

കാരണമെന്തെന്നല്ലേ 
കലണ്ടറിലെ ഒരു തീയതി മാത്രമല്ല അതിന് കാരണം. വിശ്വാസത്തെയും ചരിത്രത്തെയും മുന്‍നിര്‍ത്തി ഒരു രാഷ്ട്രം അതിന്റെ പാരമ്പര്യങ്ങള്‍ മുറുകെ പിടിക്കാന്‍ തീരുമാനിച്ചു എന്നതിന്റെ ഒരു കഥ കൂടിയാണ്.

ALSO READ: ബംഗ്ലാദേശിൽ നിർണ്ണായക രാഷ്ട്രീയ നീക്കം: 17 വർഷത്തെ പ്രവാസത്തിന് ശേഷം താരിഖ് റഹ്മാൻ തിരിച്ചെത്തി; ധാക്കയിൽ ജനസാഗരം

ഈ ക്രിസ്മസ് തീയതി നൂറ്റാണ്ടുകള്‍ പഴക്കമുള്ളതാണ്. മുഴുവന്‍ ക്രിസ്ത്യന്‍ ലോകവും ജൂലിയന്‍ കലണ്ടര്‍ പിന്തുടര്‍ന്നിരുന്ന ഒരു കാലഘട്ടത്തിലെ തിയതി ക്രമത്തില്‍ തന്നെയാണ് ഇവിടങ്ങളില്‍ ക്രിസ്മസ് വരുന്നത്. 1582-ല്‍, യൂറോപ്പിന്റെ ഭൂരിഭാഗവും പുതിയ ഗ്രിഗോറിയന്‍ കലണ്ടര്‍ സ്വീകരിച്ചെങ്കിലും ഈ രാജ്യങ്ങളിലെ ഓര്‍ത്തഡോക്‌സ് സഭ മതപരമായ ആചാരങ്ങള്‍ക്കായി പഴയ സമ്പ്രദായം നിലനിര്‍ത്താന്‍ തീരുമാനിച്ചു.

ആ തെരഞ്ഞെടുപ്പാണ് ഇന്നും റഷ്യന്‍ ജീവിതത്തെ രൂപപ്പെടുത്തുന്നത്. രാജ്യം ഔദ്യോഗികമായി ദൈനംദിന കാര്യങ്ങള്‍ക്കായി ഗ്രിഗോറിയന്‍ കലണ്ടര്‍ ഉപയോഗിക്കുമ്പോള്‍ സഭ ജൂലിയന്‍ കലണ്ടര്‍ അനുസരിച്ചാണ് അതിന്റെ വിശുദ്ധ ദിനങ്ങള്‍ ആഘോഷിക്കുന്നത്.

while most of the world celebrates christmas on december 25, countries like russia, serbia and egypt observe it in january. the reason lies in history, faith and the continued use of the julian calendar.