കൊല്ലം: സര്‍ക്കസിനു കൊണ്ടുവന്ന മിണ്ടാപ്രാണികളെ വാഹനത്തില്‍ വരിഞ്ഞുമുറുക്കി മണിക്കൂറുകളോളം വെയിലത്തു നിര്‍ത്തി ക്രൂരത.
ഇന്നലെ ഉച്ചയ്ക്ക് ആശ്രാമം മൈതാനിയിലായിരുന്നു സംഭവം. ഇവിടെ സര്‍ക്കസിനായി കൊണ്ടുവന്ന കുതിരകളും ഒട്ടകങ്ങളും ഉള്‍പ്പെടെയുള്ള മൃഗങ്ങള്‍ക്ക് നേരെയാണ് ക്രൂരത നടത്തിയത്. കയറുകൊണ്ടു വരിഞ്ഞുമുറുക്കിയതുമൂലം ഇവക്കു അനങ്ങാന്‍ പോലും സാധിച്ചില്ല. ദൂരെ നിന്നും കൊണ്ടുവന്ന മൃഗങ്ങളില്‍ പലതും അവശതയിലായിരുന്നു.