മാഞ്ചസ്റ്റർ യുണൈറ്റഡിന്റെ പരിശീലക സ്ഥാനത്തുനിന്നും റൂബൻ അമോറിമിനെ പുറത്താക്കി. ഇംഗ്ലീഷ് പ്രീമിയർ ലീഗിൽ ലീഡ്സ് യുണൈറ്റഡിനെതിരെയുള്ള മത്സരത്തിന് ശേഷം പത്രസമ്മേളനത്തിൽ ക്ലബ്ബ് മാനേജ്മെനന്റിനെതിരെ റൂബൻ നടത്തിയപരാമർശങ്ങൾക്ക് പിന്നാലെയാണ് ഈ നടപടി. മാഞ്ചസ്റ്റർ യുണൈറ്റഡിനൊപ്പമുള്ള 14 മാസത്തെ തന്റെ പരിശീലക യാത്രയ്ക്കാണ് അമാറിം അവസാനമിട്ടത്. 

ലീഡ്സ് യുണൈറ്റഡിനെതിരെയുള്ള മത്സരശേഷം ക്ലബ്ബിന്റെ ഘടനയെയും ട്രാൻസ്ഫർ നയങ്ങളെയും അമാറിം പരസ്യമായി വിമർശിച്ചിരുന്നു. താൻ വെറുമൊരു കോച്ച് ആവാനല്ല ഇവിടെ വന്നതെന്നും ക്ലബ്ബിന്റെ പൂർണ നിയന്ത്രണമുള്ള മാനേജർ ആകാനാണ് വന്നതെന്നുമായിരുന്നു അമോറിമിന്റെ പ്രസ്താവന. ഇതിനു പിന്നാലെയാണ്  ക്ലബ്ബ് ഇത്തരത്തിലൊരു നടപടി എടുത്തത്.

അമോറിമിന്റെ പകരക്കാരനായി മുൻ മാഞ്ചസ്റ്റർ യുണൈറ്റഡ് താരമായ ഡാരൻ ഫ്ലെച്ചറെ ഇടക്കാല പരിശീലകനായി നിയമിക്കുകയും ചെയ്തു. സ്ഥിരമായി ഒരു പരിശീലകനെ കണ്ടെത്തുന്നതുവരെ ഫ്ലെച്ചറെ ആയിരിക്കും മാഞ്ചസ്റ്റർ യുണൈറ്റഡിനെ പരിശീലിപ്പിക്കുക.

ഇംഗ്ലീഷ് പ്രീമിയർ ലീഗിൽ ഈ സീസണിൽ നിറം മങ്ങിയ പ്രകടനമാണ് അമോണിന്റെ കീഴിൽ മാഞ്ചസ്റ്റർ യുണൈറ്റഡ് നടത്തിയിരുന്നത്. നിലവിൽ ഇംഗ്ലീഷ് പ്രീമിയർ ലീഗിൽ പോയിന്റ് പട്ടികയിൽ ആറാം സ്ഥാനത്താണ് റെഡ് ഡെവിൾസ്. 20 മത്സരങ്ങളിൽ നിന്നും എട്ടു വിജയവും ഏഴു സമനിലയും അഞ്ചു തോൽവിയും അടക്കം 31 പോയിന്റാണ് മാഞ്ചസ്റ്റർ യുണൈറ്റഡിനുള്ളത്. ഇംഗ്ലീഷ് പ്രീമിയർ ലീഗിൽ ജനുവരി ഏട്ടിനാണ് മാഞ്ചസ്റ്റർ യുണൈറ്റഡിന്റെ അടുത്ത മത്സരം. ബേൺലിയാണ് എതിരാളികൾ. 

Manchester United have sacked manager Ruben Amorim after he made comments against the club's management in a press conference after the Premier League match against Leeds United. Amorim's 14-month coaching career with the club has come to an end.