തിരുവനന്തപുരം: കേരളത്തിന് രണ്ട് വന്ദേഭാരത് സ്ലീപ്പര്‍ ട്രെയിനുകളും ഒരു അമൃത് ഭാരത് ട്രെയിനും പരിഗണനയിലെന്ന് വിവരം. 12 സ്ലീപ്പര്‍ വന്ദേഭാരത് ട്രെയിനുകളാണ് ഈ വര്‍ഷം പുറത്തിറക്കാന്‍ പോകുന്നത്. ഈ വര്‍ഷം നിയമസഭാ തെരഞ്ഞെടുപ്പ് നടക്കാന്‍ പോകുന്ന സംസ്ഥാനങ്ങള്‍ക്കായിരിക്കും ആദ്യ പരി ഗണന. ആദ്യ സര്‍വീസ് നടക്കാനിരിക്കുന്ന അസമും ബംഗാളും കേരളത്തിനൊപ്പം തെരഞ്ഞെടുപ്പ് നടക്കാനിരിക്കുന്ന സംസ്ഥാനങ്ങളാണ്.

തിരുവനന്തപുരം-ചെന്നൈ റൂട്ടിലാകും കേരളത്തിലേക്കുള്ള ആദ്യ വന്ദേഭാരത് സ്ലീപ്പര്‍ ഓടുക എന്നാണ് വിവരം. തിരുവനന്തപുരം-ബെംഗളൂരു പാതയാണ് രണ്ടാമത് പരിഗണനയിലുള്ളത്. എറണാകുളത്ത് നിന്ന് ബിഹാറിലെ ജോഗ്ബനിയിലേക്ക് അമൃത് ഭാരത് ട്രെയിനും പരിഗണനയിലുണ്ട്. 

റെയില്‍വേ സുരക്ഷാ കമ്മിഷണറുടെ മേല്‍നോട്ടത്തില്‍ വന്ദേഭാരത് സ്ലീപ്പര്‍ ട്രെയിന്‍ അതിന്റെ അവസാന അതിവേഗ പരീക്ഷണം കഴിഞ്ഞ ദിവസം പൂര്‍ത്തിയാക്കി. കൊല്‍ക്കത്ത- ഗുവാഹാത്തിപാതയിലാണ് ആദ്യ സര്‍വീസ് നടത്തുക.  

Kerala is likely to receive two Vande Bharat Sleeper trains and one Amrit Bharat train as part of Indian Railways’ upcoming rollout. A total of 12 Vande Bharat Sleeper trains are scheduled for launch this year, with priority reportedly given to states heading into legislative assembly elections. Kerala, along with Assam and West Bengal, falls into this category.