ന്യൂഡൽഹി: കൗമാരക്കാർക്കിടയിലെ ഉഭയസമ്മതത്തോടെയുള്ള പ്രണയബന്ധങ്ങളെ പോക്സോ (POCSO) നിയമത്തിന്റെ പിടിയിൽ നിന്ന് ഒഴിവാക്കാൻ നിർണ്ണായക നീക്കവുമായി സുപ്രിം കോടതി. പ്രായപൂർത്തിയാകാത്തവർ തമ്മിലുള്ള ഇത്തരം ബന്ധങ്ങളെ ലൈംഗികാതിക്രമമായി കാണാതെ, ശിക്ഷയിൽ ഇളവ് നൽകുന്ന വിദേശരാജ്യങ്ങളിലെ 'റോമിയോ-ജൂലിയറ്റ്' (Romeo-Juliet Clause) മാതൃകയിലുള്ള വ്യവസ്ഥ നിയമത്തിൽ ഉൾപ്പെടുത്താൻ കേന്ദ്ര സർക്കാരിനോട് കോടതി നിർദ്ദേശിച്ചു.

ALSO READ: ഗർഭം ധരിപ്പിച്ചാൽ ലക്ഷങ്ങൾ, പരാജയപ്പെട്ടാൽ 5 ലക്ഷം 'ആശ്വാസ സമ്മാനം'; യുവാക്കളെ ലക്ഷ്യമിട്ട് വൻ തട്ടിപ്പ്; രണ്ടുപേർ അറസ്റ്റിൽ

വ്യക്തിപരമായ പകപോക്കലിനും കുടുംബങ്ങൾ തമ്മിലുള്ള തർക്കങ്ങൾ തീർക്കാനുമായി പോക്സോ നിയമം ദുരുപയോഗം ചെയ്യുന്നത് തടയുക എന്നതാണ് ജസ്റ്റിസുമാരായ സഞ്ജയ് കരോൾ, എൻ. കോടീശ്വർ സിങ് എന്നിവരടങ്ങിയ ബെഞ്ചിന്റെ ഈ നിർദ്ദേശത്തിന് പിന്നിൽ.

ALSO READ: വീട് നിർമ്മാണത്തിനായി മണ്ണുമാറ്റിയപ്പോൾ കണ്ടത് ചെമ്പ് പാത്രം, തുറന്നപ്പോൾ കണ്ണഞ്ചിപ്പിക്കുന്ന സ്വർണ്ണാഭരണങ്ങൾ; പ്രദേശത്ത് കൂടുതൽ പരിശോധനകൾ നടത്തും

എന്താണ് 'റോമിയോ-ജൂലിയറ്റ്' ചട്ടം?

വിദേശരാജ്യങ്ങളിൽ നിലവിലുള്ള ഈ വ്യവസ്ഥയനുസരിച്ച്, ലൈംഗിക ബന്ധത്തിൽ ഏർപ്പെടുന്ന രണ്ടുപേരും കൗമാരക്കാരാണെങ്കിൽ (പ്രായപൂർത്തിയാകാൻ 2 മുതൽ 4 വർഷം വരെ ബാക്കിയുള്ളവർ), ആ ബന്ധം ഉഭയസമ്മതപ്രകാരമാണെങ്കിൽ അതിനെ കടുത്ത ക്രിമിനൽ കുറ്റമായി കണക്കാക്കില്ല. കൗമാരപ്രായത്തിലെ പ്രണയബന്ധങ്ങളെ ലൈംഗിക പീഡനങ്ങളിൽ നിന്ന് വേർതിരിച്ചു കാണണമെന്നാണ് ഇതിലൂടെ ലക്ഷ്യമിടുന്നത്.

കുട്ടികളെ സംരക്ഷിക്കാൻ നിർമ്മിച്ച നിയമം പലപ്പോഴും കൗമാരക്കാരുടെ ജീവിതം തകർക്കാൻ ഉപയോഗിക്കുന്നു. പെൺകുട്ടിയുടെ പ്രായം 18-ൽ താഴെയാണെന്ന് തെറ്റായി കാണിച്ച് ആൺകുട്ടികളെ കുടുക്കുന്ന രീതി രാജ്യത്ത് വർധിച്ചുവരികയാണ്. പകപോക്കലിനായി വ്യാജ പരാതികൾ നൽകുന്നവർക്കെതിരെ കർശന നിയമനടപടി സ്വീകരിക്കണം.

ALSO READ: വന്ദേഭാരതുമായി ഓട്ടോ കൂട്ടിയിടിച്ച സംഭവം: നിയന്ത്രണങ്ങൾ കർശനമാക്കി ആർപിഎഫ്; നിയമം ലംഘിച്ചാൽ ഇനി അഞ്ച് വർഷം വരെ തടവ്

പോക്സോ കേസുകളിൽ ഇരയുടെ പ്രായം നിശ്ചയിക്കാൻ വൈദ്യപരിശോധന (Ossification Test) നിർബന്ധമാക്കിയ അലഹബാദ് ഹൈക്കോടതി ഉത്തരവ് സുപ്രിം കോടതി റദ്ദാക്കി. ജനന സർട്ടിഫിക്കറ്റോ മെട്രിക്കുലേഷൻ സർട്ടിഫിക്കറ്റോ ഇല്ലാത്ത സാഹചര്യത്തിൽ മാത്രമേ ഇത്തരം പരിശോധനകൾ നടത്താവൂ എന്ന് കോടതി വ്യക്തമാക്കി.

കൗമാരക്കാർക്കിടയിലെ സ്വാഭാവികമായ ബന്ധങ്ങളെ ക്രിമിനൽ വൽക്കരിക്കുന്നത് അവരുടെ ഭാവി തകർക്കുമെന്നും, നിയമത്തിന്റെ അന്തസ്സത്ത കാത്തുസൂക്ഷിച്ചുകൊണ്ട് തന്നെ ഇത്തരം കേസുകളിൽ പ്രായോഗികമായ മാറ്റങ്ങൾ വേണമെന്നും സുപ്രിം കോടതി കേന്ദ്ര സർക്കാരിനെ ഓർമ്മിപ്പിച്ചു.

the supreme court of india has emphasized the need to prevent the misuse of the pocso act. the court observed that romantic relationships between adolescents, which involve mutual consent, should not be treated as serious criminal offenses. this move aims to protect teenagers from being unfairly criminalized in cases where there is no exploitation or lack of consent.