പത്തനംതിട്ട: കേരളത്തിലെ പ്രധാന വിനോദ സഞ്ചാരകേന്ദ്രമായ ഗവിയിൽ നാല് ദിവസം സഞ്ചാരികൾക്ക് വിലക്ക്.  ശബരിമല മകരവിളക്കിനോടനുബന്ധിച്ചുള്ള സുരക്ഷാക്രമീകരണങ്ങളുടെ ഭാഗമായാണ് ഇവിടേക്കുള്ള പ്രവേശനം നിരോധിച്ചിരിക്കുന്നത്.  

ജനുവരി 12 മുതൽ 15 വരെയാണ് വിലക്ക്. ഈ ദിവസങ്ങളിൽ ആങ്ങമൂഴി കോച്ചാണ്ടി ചെക്ക് പോസ്റ്റിലൂടെ ഗവിയിലേക്ക് വിനോദസഞ്ചാരികളെ കടത്തിവിടില്ലെന്ന് ഗൂട്രിക്കൽ റേഞ്ച് ഓഫീസർ എ.എസ് അശോക് വ്യക്തമാക്കി. പത്തനംതിട്ട ജില്ലയിൽ സ്ഥിതി ചെയ്യുന്ന പ്രകൃതിരമണീയമായ ഗ്രമമാണ്‌ ഗവി.  പമ്പ,  ആനത്തോട് തുടങ്ങിയ അണക്കെട്ടുകൾ ഗവിയുടെ ഭാഗമാണ്. ആന, കടുവ, പുലി തുടങ്ങിയ വന്യജീവികൾ നിറഞ്ഞുനിൽക്കുന്ന മേഖല കൂടിയാണ് ഗവി.