മിന: അതീവ സുരക്ഷാ സംവിധാനത്തോടെ ആരംഭിച്ച ഹജ്ജിന്റെ ആദ്യ ദിനമായ ഇന്നലെ മിനയില്‍ തീപിടുത്തം നടന്നെന്ന വാര്‍ത്ത ഞെട്ടിച്ചു. മക്കയില്‍ നിന്നും മിനായിലേക്ക് തീര്‍ഥാടകര്‍ യാത്ര ആരംഭിച്ച ശനിയാഴ്ച ഉച്ചയോടെയാണ് മിനയില്‍ ഭക്ഷണ പാചകം ചെയ്യുന്ന ചെറിയ കേന്ദ്രത്തില്‍ തീ പടര്‍ന്നെന്ന വാര്‍ത്ത ലഭിച്ചതെന്ന് സഊദി സിവില്‍ ഡിഫന്‍സ് മീഡിയ വക്താവ് കേണല്‍ അബ്ദുല്ലാഹ് അല്‍ അറബി അല്‍ ഹാരിസി വ്യക്തമാക്കി.
     ശനിയാഴ്ച ഉച്ചയ്ക്ക് 12:30 ഓടെ സിവില്‍ ഡിഫന്‍സിനു സന്ദേശം ലഭിച്ചെങ്കിലും തൊട്ടടുത്തുള്ള സിവില്‍ ഡിഫന്‍സ് യൂനിറ്റ് ഉടനടി കുതിച്ചെത്തി തീ കെടുത്തുകയായിരുന്നു. യാതൊരു  അപകടവും സംഭവിച്ചിട്ടില്ലെന്നും ഉടനടി നിയന്ത്രണ വിധേയമായതായും സിവില്‍ ഡിഫന്‍സ് സേന വ്യക്തമാക്കി.