ഗസ്സ: ഗസ്സയിലെ ഇസ്‌റാഈല്‍ ആക്രമണത്തിന്റെ ദുരിതബാധിതര്‍ക്ക് കൈത്താങ്ങായി സൗദി അറേബ്യയുടെ പുതിയ ദുരിതാശ്വാസ വാഹനവ്യൂഹം ഗസ്സയില്‍ എത്തിച്ചേര്‍ന്നു. ഫലസ്തീന്‍ ജനതയുടെ ദുരിതം ലഘൂകരിക്കാനുള്ള സൗദി അറേബ്യയുടെ നിരന്തരമായ പരിശ്രമങ്ങളുടെ ഭാഗമായാണ് കിംഗ് സല്‍മാന്‍ ഹ്യുമാനിറ്റേറിയന്‍ എയ്ഡ് ആന്‍ഡ് റിലീഫ് സെന്റര്‍ (KS relief) വഴി ഈ സഹായം എത്തിച്ചത്. 
മാസങ്ങളായി താല്‍ക്കാലിക ടെന്റുകളില്‍ കഴിയുന്ന ഫലസ്തീനിലെ അഭയാര്‍ത്ഥി കുടുംബങ്ങളെ ലക്ഷ്യമിട്ടാണ് ഈ സഹായം പ്രധാനമായും എത്തിച്ചിരിക്കുന്നത്. മധ്യ ഗസ്സയിലാണ് വാഹനവ്യൂഹം എത്തിയത്. 
കുടുംബങ്ങള്‍ക്ക് ആവശ്യമായ പോഷകാഹാരങ്ങള്‍ അടങ്ങിയ ഭക്ഷ്യ കിറ്റുകളാണ് ഈ ഘട്ടത്തില്‍ വിതരണം ചെയ്തത്. ദൈനംദിന ആവശ്യങ്ങള്‍ നിറവേറ്റുന്നതിനും പട്ടിണി ലഘൂകരിക്കുന്നതിനും ഇത് ഏറെ സഹായകമാകും. 
ഫലസ്തീന്‍ ജനതയെ സഹായിക്കുന്നതിനായി സൗദി അറേബ്യ നടത്തിവരുന്ന വിപുലമായ പ്രചാരണ പരിപാടികളുടെ  ഭാഗമായാണ് ഈ നടപടി. മാനുഷിക പ്രതിസന്ധികളില്‍ ലോകത്തെ മുന്‍നിരയില്‍ നിന്ന് സഹായിക്കുന്ന സൗദിയുടെ പങ്ക് ഇതിലൂടെ ഒരിക്കല്‍ കൂടി വ്യക്തമാകുന്നു. 

A new humanitarian aid convoy from the King Salman Humanitarian Aid and Relief Center (KSrelief) arrived in central Gaza on Wednesday. This is part of Saudi Arabia's sustained commitment to alleviating the suffering of the Palestinian people, with a specific focus on displaced families who have been residing in temporary tent settlements for months.