ദുബൈ: വിവിധ എമിറേറ്റുകളുടെ ഫെഡറേഷനായി യു.എ.ഇ ഔദ്യോഗിക രാജ്യമായി എന്ന സുവാര്‍ത്ത ലോകത്തെ അറിയിച്ച പ്രഗത്ഭ മാധ്യമ പ്രവര്‍ത്തകന്‍ മുഹമ്മദ് അല്‍ ഖുദ്‌സി അന്തരിച്ചു. 1971 ഡിസംബര്‍ 2ന് ദുബൈയിലെ ഗസ്റ്റ് പാലസില്‍ നടന്ന ചരിത്രപരമായ ചടങ്ങില്‍ യൂണിയന്‍ പ്രഖ്യാപനവും ദേശീയ പതാക ഉയര്‍ത്തലും തത്സമയം സംപ്രേഷണം ചെയ്തത് ഇദ്ദേഹമായിരുന്നു. അന്ന് രാജ്യത്തെ ഏക ഔദ്യോഗിക ചാനലായ അബൂദബി ടെലിവിഷനിലൂടെയാണ് ഖുദ്‌സിയുടെ ശബ്ദത്തില്‍ യു.എ.ഇയുടെ രൂപീകരണ വാര്‍ത്ത പുറം ലോകമറിഞ്ഞത്.

പതിറ്റാണ്ടുകള്‍ നീണ്ട ഔദ്യോഗിക ജീവിതത്തില്‍ അബൂദബി ടെലിവിഷനിലെ പ്രമുഖ വാര്‍ത്താ അവതാരകനായും കമന്റേറ്ററായും ശ്രദ്ധേയനായ ഖുദ്‌സി അബൂദാബിയിലാണ് അന്തരിച്ചത്. കഴിഞ്ഞ ദിവസം അസര്‍ നമസ്‌കാര ശേഷം നടന്ന ജനാസ നിസ്‌കാരത്തിന് ബന്ധുക്കളും സഹപ്രവര്‍ത്തകരും ഉള്‍പ്പെടെ വന്‍ ജനാവലി പങ്കെടുത്തു. തുടര്‍ന്ന്, അബൂദബിയിലെ ബനിയാസ് ഖബര്‍സ്ഥാനില്‍ മൃതദേഹം സംസ്‌കരിച്ചു. യു.എ.ഇയുടെ മാധ്യമ ചരിത്രത്തിലെ യുഗത്തിനാണ് ഇതോടെ തിരശ്ശീല വീണത്.

സിറിയയില്‍ ജനിച്ച അല്‍ ഖുദ്‌സി യു.എ.ഇയുടെ വളര്‍ച്ചയുടെ ഓരോ ഘട്ടത്തിനും സാക്ഷ്യം വഹിച്ച അപൂര്‍വം മാധ്യമപ്രവര്‍ത്തകരില്‍ ഒരാളാണ്. 'യൂണിയന്റെ ശബ്ദം' എന്ന് വിശേഷിപ്പിക്കപ്പെട്ട അദ്ദേഹം, രാഷ്ട്ര പിതാവ് ശൈഖ് സായിദ് ബിന്‍ സുല്‍ത്താന്‍ അല്‍ നഹ്‌യാന്റെ പ്രവര്‍ത്തനങ്ങളെയും ദര്‍ശനങ്ങളെയും ജനങ്ങളിലെത്തിക്കുന്നതില്‍ നിര്‍ണായക പങ്കു വഹിച്ച വ്യക്തിത്വമാണ്.

Mohammad Al-Qudsi, the TV anchor who delivered the historic announcement of the UAE's formation in 1971, has passed away. He was the first to broadcast the Union and the raising of the national flag on December 2, 1971 — a moment etched forever in the country's history.