തിരുവനന്തപുരം: തിരുവനന്തപുരത്ത് രണ്ട് യുവാക്കൾ മുങ്ങി മരിച്ചു. ആറ്റിങ്ങൽ കുടവൂർക്കോണം സ്വദേശികളായ ഗോകുൽ, നിഖിൽ എന്നിവരാണ് മരിച്ചത്. പുഴയിൽ കുളിക്കുന്നതിനിടെ ഒഴുക്കിൽ പെടുകയായിരുന്നു. 

ഇന്ന് വൈകീട്ടോടെയാണ് അപകടം ഉണ്ടായത്. നാല് സുഹൃത്തുക്കളാണ് വാമനപുരം പുഴയിൽ കുളിക്കാനായി എത്തിയത്. രണ്ടുപേരെ ഒഴുക്കിൽ പെട്ട് കാണാതായതോടെ മറ്റു രണ്ടുപേർ നാട്ടുകാരെ വിവരമറിയിക്കുകയായിരുന്നു. തുടർന്ന് നാട്ടുകാർ എത്തി തിരച്ചിൽ നടത്തി. പിന്നാലെ ഫയർ ഫോഴ്‌സും സ്ഥലത്തെത്തി സംയുക്തമായി നടത്തിയ തിരച്ചിലിലാണ് ഇരുവരുടെയും മൃതദേഹം കണ്ടെത്തിയത്.