കുന്ദമംഗലം: ബക്രീദ്-ഓണം പ്രമാണിച്ച് നിര്‍ധനരായ നാനൂറോളം കുടുംബങ്ങള്‍ക്ക് കുന്ദമംഗലം പഞ്ചായത്ത് മുസ്‌ലിം ലീഗ് കമ്മിറ്റി കിറ്റ് വിതരണം ചെയ്തു. മുസ്‌ലിം സഹോദരങ്ങള്‍ക്ക് പെരുന്നാള്‍ ഭക്ഷണത്തിനായുള്ള കിറ്റുകളും മറ്റുള്ളവര്‍ക്ക്  ഓണത്തിനാവശ്യമായ കിറ്റിന് പുറമേ എല്ലാം അടങ്ങിയ പച്ചക്കറി കിറ്റും നല്‍കി. പരസ്പരം അറിഞ്ഞും പറഞ്ഞും കൊടുത്തും സഹായിച്ചും ഒരമ്മപെറ്റ മക്കളെ പോലെ കഴിയുന്ന ഒരു കാലത്തേക്കായിരിക്കട്ടെ നമ്മുടെ യാത്രയെന്നു അദ്ദേഹം പറഞ്ഞു.
പഞ്ചായത്ത് മുസ്‌ലിം ലീഗ് പ്രസിഡന്റ് കെ.പി കോയ അധ്യക്ഷനായി. യൂത്ത് ലീഗ് അഖിലേന്ത്യാ കണ്‍വീനര്‍ പി.കെ ഫിറോസ്, കെ.പി.സി.സി ജനറല്‍ സെക്രട്ടറി എന്‍. സുബ്രഹ്മണ്യന്‍, ദലിത് ലീഗ് സംസ്ഥാന പ്രസിഡന്റ് യു.സി രാമന്‍, കെ. മൂസ മൗലവി, ശിവദാസന്‍ നായര്‍, കെ.എം.എ റഷീദ്, ഖാലിദ് കിളിമുണ്ട, ബാബുമോന്‍, എ.കെ ഷൗക്കത്ത്, ഒ. സലീം, സി. അബ്ദുല്‍ ഗഫൂര്‍, യു.സി മൊയ്തീന്‍കോയ, പി. മമ്മികോയ, ഗ്രാമപഞ്ചായത്ത് പ്രസിഡന്റ് ടി.കെ സീനത്ത്, ബാബു നെല്ലൂളി, അരിയില്‍ മൊയ്തീന്‍ ഹാജി, പ്രസ് ക്ലബ് പ്രസിഡണ്ട് അബൂബക്കര്‍ കുന്ദമംഗലം, പി.കെ ഇബ്രാഹിം, അന്‍ഫാസ്, കെ.എം.സി.സി നേതാക്കളായ സുല്‍ഫിക്കര്‍ അലി, കെ.കെ ഷമീല്‍, ഒളോങ്ങല്‍ ഉസ്സൈന്‍, അരിയില്‍ അലവി പ്രസംഗിച്ചു.