നിലമ്പൂര്‍ പ്രസ് ക്ലബിന്റെ നേതൃത്വത്തില്‍ വികസന
സെമിനാറും കുടുംബ സംഗമവും നടത്തി
നിലമ്പൂര്‍: പ്രസ് ക്ലബിന്റെ നേതൃത്വത്തില്‍ വികസന സെമിനാറും കുടുംബസംഗമവും നടത്തി. പിവീസ് ഓഡിറ്റോറിയത്തില്‍ നടന്ന വികസന സെമിനാര്‍ പി.വി അന്‍വര്‍ എം.എല്‍.എ ഉദ്ഘാടനം ചെയ്തു.  പ്രസ് ക്ലബ് പ്രസിഡന്റ് തോമസ്‌കുട്ടി ചാലിയാര്‍ അധ്യക്ഷനായി.
 പ്രസ് ക്ലബ് എക്‌സിക്യൂട്ടീവ് അംഗം പി.എം രാം മോഹന്‍ വിഷയാവതരണം നടത്തി.  മുന്‍ മന്ത്രി ആര്യാടന്‍ മുഹമ്മദ്, നഗരസഭ ചെയര്‍പേഴ്‌സണ്‍ പത്മിനി ഗോപിനാഥ്, ബ്ലോക്ക് പഞ്ചായത്ത് പ്രസിഡന്റ് പി.പി സുഗതന്‍, നഗരസഭ വൈസ് ചെയര്‍മാന്‍ പി.വി ഹംസ, ബ്ലോക്ക് പഞ്ചായത്ത് വൈസ് പ്രസിഡന്റ് സജ്‌ന സക്കരിയ, ജില്ലാ പഞ്ചായത്ത് അംഗങ്ങളായ ഇസ്മായില്‍ മൂത്തേടം, സെറീന മുഹമ്മദാലി, ബ്ലോക്ക് പഞ്ചായത്ത് സ്ഥിരംസമിതി ചെയര്‍മാന്‍ കെ.ടി കുഞ്ഞാന്‍, പഞ്ചായത്ത് പ്രസിഡന്റുമാരായ പി.ടി ഉസ്മാന്‍, കെ. സ്വപ്ന, ഇ. സുകു, ആലീസ് അമ്പാട്ട്, സി. സുജാത, വി. അസൈനാര്‍, മൂത്തേടം പഞ്ചായത്ത് വൈസ് പ്രസിഡന്റ് എ.ടി റെജി, മുന്‍ നഗരസഭ ചെയര്‍മാന്‍ ആര്യാടന്‍ ഷൗക്കത്ത്, സംരംഭകരായ ഷൈജു കെ. ഡേവിഡ്, സിബി വയലില്‍, കെ.ആര്‍. ഭാസ്‌കരപിള്ള, മാത്യു സെബാസ്റ്റ്യന്‍, ഡോ. എം.കെ റഫീഖ്, യു. നരേന്ദ്രന്‍, രാഷ്ട്രീയപാര്‍ട്ടി നേതാക്കളായ ഇ. പദ്മാക്ഷന്‍, വി.എ കരീം, എ. ഗോപിനാഥ്, പാലോളി മെഹബൂബ്, വിദ്യാധരന്‍, കെ. മനോജ്, ബ്ലോക്ക് പഞ്ചായത്ത് അംഗങ്ങള്‍, നഗരസഭ കൗണ്‍സിലര്‍മാര്‍ എന്നിവര്‍ ചര്‍ച്ചയില്‍ പങ്കെടുത്തു.
പ്രസ് ക്ലബ്ബ് സെക്രട്ടറി സി. ജമാല്‍, ജോയിന്റ് സെക്രട്ടറി ജാഫര്‍ കല്ലട, യു.ടി പ്രവീണ്‍, ലാല്‍ ജോസഫ്, ഉമ്മര്‍ നെയ്‌വാതുക്കല്‍ തുടങ്ങിയവര്‍ സംസാരിച്ചു. പ്രസ് ക്ലബ് ട്രഷറര്‍ വിനീത് മയ്യന്താനി ചര്‍ച്ചയില്‍ മോഡറേറ്ററായി.
ഉച്ചക്ക് ശേഷം നടന്ന കുടുംബസംഗമം മജീഷ്യന്‍ നിലമ്പൂര്‍ പ്രദീപ് കുമാര്‍ ഉദ്ഘാടനം ചെയ്തു.  പ്രസ് ക്ലബ് മുന്‍ സെക്രട്ടറി സുരേഷ് മോഹന്‍ അധ്യക്ഷനായി.
യു. വിനയന്‍, ജിജു നിലമ്പൂര്‍, ബൈജു ചക്കാലക്കുത്ത് സംസാരിച്ചു. തുടര്‍ന്ന് കുടുംബാംഗങ്ങളുടെ കലാപരിപാടിയും കുന്നത്ത്ചാല്‍ തണല്‍ അവതരിപ്പിച്ച നാടന്‍ പാട്ടും അവതരിപ്പിച്ചു.