കൊച്ചി: വാക്കുതര്‍ക്കത്തിനിടെ ഒരാളോട് പോയി ചാകാന്‍ പറയുന്നത് ആത്മഹത്യാപ്രേരണക്കുറ്റമായി കണക്കാക്കാനാകില്ലെന്ന് ഹൈക്കോടതി. വിവാഹിതയായ യുവതി കുഞ്ഞുമായി ജീവനൊടുക്കിയ സംഭവത്തിലാണ് കോടതിയുടെ നിര്‍ണായക നിരീക്ഷണം.  സുഹൃത്തായ കാസര്‍കോട് ബാര സ്വദേശിയായ യുവാവിനെതിരെ ആത്മഹത്യാപ്രേരണകുറ്റം ചുമത്തിയ കാസര്‍കോട് അഡീഷണല്‍ സെഷന്‍സ് കോടതിയുടെ തീരുമാനം റദ്ദാക്കിക്കൊണ്ടാണ് ജസ്റ്റിസ് സി പ്രദീപ് കുമാറിന്റെ ഉത്തരവ്. 

കാസര്‍കോട് സ്വദേശിനി അഞ്ചരവയസ്സുള്ള മകളുമായി കിണറ്റില്‍ച്ചാടി ജീവനൊടുക്കിയ കേസില്‍ കാമുകനായ യുവാവിനെ കോടതി കുറ്റവിമുക്തനാക്കി. വഴക്കിനിടെ 'പോയി ചാകാന്‍' പറയുന്നത് ആരെങ്കിലും മരിക്കണമെന്ന ഉദ്ദേശ്യത്തോടെയല്ലെന്ന് വിലയിരുത്തിയാണ് കോടതിയുടെ ഉത്തരവ്. 

ALSO READ: കുതിപ്പിന് പിന്നാലെ ലാഭമെടുപ്പ്; സ്വര്‍ണവില ഇന്ന് കുത്തനെ താഴേക്ക്, പവന് കുറഞ്ഞത് 5000ത്തിലേറെ, ആഗോള വിപണിയിലും ഇടിവ്

കേവലം വാക്കുകളല്ല, മറിച്ച് ആത്മഹത്യയിലേക്ക് നയിക്കുന്ന രീതിയില്‍ തീരുമാനിച്ചുറപ്പിച്ച് കാര്യങ്ങള്‍ ചെയ്താല്‍ മാത്രമേ ആത്മഹത്യാപ്രേരണക്കുറ്റം നിലനില്‍ക്കൂ എന്ന സുപ്രിംകോടതി വിധി ന്യായങ്ങള്‍ ചൂണ്ടിക്കാട്ടിയാണ് കേരള ഹൈക്കോടതി വിധി പ്രഖ്യാപിച്ചത്. 

2023 ലാണ് കേസിനാസ്പദമായ സംഭവം. അധ്യാപകനായ ഹരജിക്കാരന്‍ സമൂഹമാധ്യമത്തിലൂടെ പരിചയപ്പെട്ട വിവാഹിതയായ യുവതിയുമായി ബന്ധമുണ്ടായിരുന്നു. ഹരജിക്കാരന്‍ മറ്റൊരു വിവാഹത്തിന് ഒരുങ്ങുന്നതായി യുവതിക്ക് വിവരം ലഭിച്ചു. ഇതുമായി ബന്ധപ്പെട്ട കലഹത്തിനിടെ പോയി ചാക് എന്ന് യുവാവ് പറഞ്ഞതാണ് ആത്മഹത്യയ്ക്ക് കാരണമായതെന്നാണ് പ്രോസിക്യൂഷന്‍ കേസ്. ഹരജിക്കാന്‍ കാസര്‍കോട് ജില്ലാ സെഷന്‍സ് കോടതിയില്‍ നല്‍കിയ വിടുതല്‍ ഹരജി തള്ളിയിരുന്നു. ഇതിന് പിന്നാലെയാണ് ഹൈക്കോടതിയില്‍ റിവിഷന്‍ ഹരജി നല്‍കിയത്. 

The Kerala High Court has ruled that telling someone to “go and die” during a verbal argument does not, by itself, constitute the offence of abetment to suicide. Justice C. Pradeep Kumar made the observation while acquitting a man accused in connection with the suicide of a married woman and her minor daughter in Kasaragod.