റിയാദ്: സഊദി അറേബ്യയുടെ അഞ്ചാമത് റിയാദ് അന്താരാഷ്ട്ര മാരത്തൺ നാളെ (31 ശനിയാഴ്ച) അവസാനിക്കും. സഊദി സ്പോർട്സ് ഫോർ ഓൾ ഫെഡറേഷന്റെ (SFA) നേതൃത്വത്തിൽ, കായിക മന്ത്രാലയത്തിന്റെയും സഊദി അത്ലറ്റിക് ഫെഡറേഷന്റെയും സഹകരണത്തോടെയാണ് ഈ പരിപാടി സംഘടിപ്പിച്ചിരിക്കുന്നത്. തുടർച്ചയായി വേൾഡ് അത്ലറ്റിക്സ് 'എലൈറ്റ് റോഡ് റേസ്' പദവി നിലനിർത്താൻ ഇത്തവണയും റിയാദ് മാരത്തണിന് സാധിച്ചു. 

ALSO READ: ഖാലിദ് ബിൻ സൽമാൻ രാജകുമാരൻ യുഎസ് പ്രതിനിധികളുമായി ചർച്ച നടത്തി; പ്രാദേശിക സുരക്ഷയും സഹകരണവും പ്രധാന അജണ്ട

നാല് വിഭാ​​ഗങ്ങളിലായാണ് മാരത്തൺ. 42 കിലോമീറ്റർ ഫുൾ മാരത്തൺ, 21 കിലോമീറ്റർ ഹാഫ് മാരത്തൺ, 10 കിലോമീറ്റർ റൺ, കുടുംബങ്ങൾക്കും തുടക്കക്കാർക്കുമായി 5 കിലോമീറ്റർ ഫൺ റൺ എന്നിങ്ങനെ. ആരോ​ഗ്യമുള്ള സഊദിയെ കെട്ടിപടുക്കുകയെന്ന ദേശീയ ദൗത്യത്തിന്റെ ഭാഗമാണ് ഈ മാരത്തണെന്ന് സ്പോർട്സ് ഫോർ ഓൾ ഫെഡറേഷൻ പ്രസിഡന്റ് പ്രിൻസ് ഖാലിദ് ബിൻ അൽവലീദ് ബിൻ തലാൽ പറഞ്ഞു. നിരവധി സ്വകാര്യ-സർക്കാർ സ്ഥാപനങ്ങളുടെ പിന്തുണയോടെയും ഏകോപനത്തിലൂടെയുമാണ് ഈ കായിക മേള അരങ്ങേറുന്നത്. ​

റിയാദ് മുനിസിപ്പാലിറ്റി, റിയാദ് മെട്രോ, സഊദി ടൂറിസം അതോറിറ്റി എന്നിങ്ങനെ നിരവധി സ്ഥാപനങ്ങളാണ് പിന്തുണയുമായി രം​ഗത്തുള്ളത്. ഒപ്പം നിരവധി പ്രാദേശിക-അന്തർദേശീയ ബ്രാൻഡുകളുടെ പിന്തുണയുമുണ്ട്. മാരത്തൺ അതിന്റെ സമാപ്തിയിലെത്തുന്ന അവസരത്തിൽ ഗതാഗത ക്രമീകരണങ്ങളും കനത്ത സുരക്ഷാ സംവിധാനങ്ങളുമാണ് അധികൃതർ ഏർപ്പെടുത്തിയിരിക്കുന്നത്.

The 5th Riyadh International Marathon concludes with massive participation. Organized by the Saudi Sports for All Federation (SFA), the 'Elite Road Race' featured 42km, 21km, 10km, and 5km categories aimed at promoting a healthy Saudi Arabia.