റിയാദ്: സഊദി അറേബ്യന്‍ കിരീടാവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാന്‍ രാജകുമാരന്‍ തുര്‍ക്കി പ്രസിഡന്റ് റജബ് ത്വയ്യിബ് ഉര്‍ദോഗനുമായി റിയാദില്‍ കൂടിക്കാഴ്ച നടത്തി. പശ്ചിമേഷ്യയിലെയും അന്താരാഷ്ട്ര തലത്തിലെയും പുതിയ സംഭവവികാസങ്ങളും സമാധാന ശ്രമങ്ങളും ഇരു നേതാക്കളും വിലയിരുത്തി. സഊദിയും തുര്‍ക്കിയും തമ്മിലുള്ള ബന്ധം കൂടുതല്‍ സുദൃഢമാക്കുന്നതിനെക്കുറിച്ചും വിവിധ മേഖലകളിലെ സഹകരണം വര്‍ദ്ധിപ്പിക്കുന്നതിനെക്കുറിച്ചും ചര്‍ച്ചകള്‍ നടന്നു. സാമ്പത്തിക, വാണിജ്യ രംഗങ്ങളില്‍ ഇരുരാജ്യങ്ങള്‍ക്കും പ്രയോജനകരമായ പുതിയ പദ്ധതികളെക്കുറിച്ച് നേതാക്കള്‍ സംസാരിച്ചതായും അധികൃതര്‍ പ്രസ്താവനയില്‍ അറിയിച്ചു. ഇന്നലെ വൈകീട്ടോടെയായിരുന്നു ഇരുനേതാക്കളും തമ്മിലുള്ള നിര്‍ണ്ണായകമായ ഔദ്യോഗിക ചര്‍ച്ചകള്‍ നടന്നത്.

സഊദിയിലെത്തിയ തുര്‍ക്കി പ്രസിഡന്റിന് വന്‍ വരവേല്‍പ്പാണ് ലഭിച്ചത്. അദ്ദേഹത്തിന്റെ ബഹുമാനാര്‍ത്ഥം ഔദ്യോഗിക സ്വീകരണ ചടങ്ങും സംഘടിപ്പിച്ചിരുന്നു. സഊദി സന്ദര്‍ശിക്കാനും കിരീടാവകാശിയുമായി ചര്‍ച്ച നടത്താനും സാധിച്ചതില്‍ ഉര്‍ദോഗന്‍ സന്തോഷം പ്രകടിപ്പിച്ചു. സഊദിയിലെയും തുര്‍ക്കിയിലെയും ഉയര്‍ന്ന ഉദ്യോഗസ്ഥരും മന്ത്രിമാരും കൂടിക്കാഴ്ചയില്‍ പങ്കെടുത്തു. മേഖലയിലെ സമാധാനത്തിനും സാമ്പത്തിക വളര്‍ച്ചയ്ക്കും ഈ സന്ദര്‍ശനം നിര്‍ണ്ണായകമാകുമെന്നാണ് വിലയിരുത്തപ്പെടുന്നത്.

ALSO READ: ആണവ ചര്‍ച്ച തുര്‍ക്കിയില്‍നിന്ന് ഒമാനിലേക്ക്; വെള്ളിയാഴ്ചത്തെ ചര്‍ച്ചകളില്‍ പങ്കെടുക്കാന്‍ ഗള്‍ഫ് രാഷ്ട്രങ്ങള്‍ക്കും താല്‍പ്പര്യം; യു.എസുമായി മാത്രം ചര്‍ച്ചമതിയെന്ന നിലപാടില്‍ ഇറാന്‍

 Saudi Crown Prince and Prime Minister Mohammed bin Salman received Turkish President Recep Tayyip Erdogan in Riyadh. Two leaders discussed regional and international developments and efforts made in this regard. They reviewed prospects for bilateral relations between the two countries, as well as for avenues of cooperation, and promising opportunities to further develop ties across various fields.