തൃക്കരിപ്പൂര്‍: ജില്ലയിലെ മികച്ച യുവ ക്ഷീര കര്‍ഷകനായി തിരഞ്ഞെടുക്കപ്പെട്ട വൈക്കത്തെ പി ദിനേശന്‍, സഹോദരനും വാഴ, പച്ചക്കറി കര്‍ഷകനുമായ പി അജയന്‍ എന്നിവരെ വൈക്കത്ത് കാരുണ്യ പുരുഷ സ്വയം സഹായ സംഘത്തിന്റെ നേതൃത്വത്തില്‍ അനുമോദിച്ചു.
ഗ്രാമ പഞ്ചായത്ത് അംഗം പി പ്രഭാകരന്‍ ഉപഹാരം നല്‍കി. സംഘം പ്രസിഡന്റ് എ.വി അനില്‍ അധ്യക്ഷനായി. സെക്രട്ടറി ടി.വി മഹേഷ്, കെ സുകുമാരന്‍, കെ രാജന്‍, വി.എം സതീശന്‍ പ്രസംഗിച്ചു. പായസവിതരണവും നടത്തി.