കണ്ണൂര്‍: പറശ്ശിനിക്കടവിലെ ലോഡ്ജില്‍ സ്ത്രീയെ മരിച്ച നിലയില്‍ കണ്ടെത്തി. ലോഡ്ജിലെ 602ാം നമ്പര്‍ മുറിയിലാണ് സ്ത്രീയെ മരിച്ച നിലയില്‍ കണ്ടെത്തിയത്. കണ്ണപുരം അയോത്ത് കെ.വി.സീമയാണ് (50) മരിച്ചത്. അതേസമയം ഒപ്പം മുറിയെടുത്തയാളെ കാണാതായിരുന്നു. പിന്നാലെ നടത്തിയ തിരച്ചിലില്‍ ഇയാളെ പുഴയോരത്ത് തൂങ്ങിമരിച്ച നിലയില്‍ കണ്ടെത്തി. ചെറുകുന്ന് കടേല്‍പറമ്പില്‍ കെ.പി. വിജയന്‍ (50) എന്നയാളാണ് തൂങ്ങിമരിച്ചത്. 
ALSO READ: കോഴിക്കോട് മാങ്കാവില്‍ കെട്ടിടത്തിന് തീപിടിച്ച് ഒരാള്‍ മരിച്ചു; മൃതദേഹം കത്തിക്കരിഞ്ഞ നിലയില്‍

ഇന്നലെ രാത്രി ഒന്‍പത് മണിയോടെയാണ് സ്ത്രീയെ മരിച്ച നിലയില്‍ കണ്ടെത്തിയത്. പിന്നാലെ സംഭവ സ്ഥലത്ത് നിന്ന് കാണാതായ വിജയനെ മാട്ടൂല്‍ ജസിന്ത കടവില്‍ പുഴയോരത്ത് തൂങ്ങിമരിച്ച നിലയില്‍ കണ്ടെത്തുകയായിരുന്നു. വിജയന്റെ അയല്‍വാസിയായിരുന്നു സീമ. സംഭവത്തില്‍ തളിപ്പറമ്പ് പൊലിസ് അന്വേഷണം ആരംഭിച്ചു.