കല്‍പ്പറ്റ: സംസ്ഥാന യൂത്ത് ടെന്നീസ് വോളിബോള്‍ ചാമ്പ്യന്‍ഷിപ്പ് 16, 17, 18 തീയതികളില്‍ തരിയോട് നിര്‍മല ഹൈസ്‌കൂള്‍ സ്‌റ്റേഡിയത്തില്‍ നടത്തുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. വയനാട് ജില്ലാ ടെന്നീസ് വോളിബോള്‍ അസോസിയേഷന്‍ കേരള സംസ്ഥാന ടെന്നീസ് വോളിബോള്‍ അസോസിയേഷനുമായും തരിയോട് നിര്‍മല ഹൈസ്‌കൂളുമായി സഹകരിച്ചാണ് മത്സരം സംഘടിപ്പിക്കുന്നത്. 14 ജില്ലകളില്‍ നിന്നുമുള്ള പുരുഷ- വനിതാ ടീമുകള്‍ ചാമ്പ്യന്‍ഷിപ്പില്‍ പങ്കെടുക്കും.
17ന് വൈകിട്ട് നാലിന് സി. കെ ശശീന്ദ്രന്‍ എം.എല്‍.എ ചാംപ്യന്‍ഷിപ്പ് ഉദ്ഘാടനം ചെയ്യും. തരിയോട് പഞ്ചായത്ത് പ്രസിഡന്റ് റീനാ സുനില്‍ അധ്യക്ഷയാവും. 18ന് നടക്കുന്ന സമാപന സമ്മേളനം ജില്ലാ പൊലിസ് ചീഫ് കെ കാര്‍ത്തിക് ഉദ്ഘാടനം ചെയ്യും. സംഘാടകസമിതി ചെയര്‍മാന്‍ കൂടിയായ തരിയോട് പഞ്ചായത്ത് പ്രസിഡന്റ് റീനാ സുനില്‍, ജില്ലാ ടെന്നീസ് വോളിബോള്‍ അസോസിയേഷന്‍ പ്രസിഡന്റ് വിജയന്‍ ചെറുകര, സെക്രട്ടറി എ.ഡി ജോണ്‍, ഷമീം പാറക്കണ്ടി, പി.എ ഇബ്രാഹിം എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.