2026 അണ്ടർ 19 ലോകകപ്പ് വീണ്ടും സ്വന്തമാക്കിയിരിക്കുകയാണ് ഇന്ത്യ. കിരീട പോരാട്ടത്തിൽ ഇംഗ്ലണ്ടിനെ 100 റൺസിന് തകർത്തെറിഞ്ഞാണ് ഇന്ത്യ കിരീടം ചൂടിയത്. ഇന്ത്യയുടെ ആറാം അണ്ടർ 19 ലോകകപ്പ് നേട്ടമാണിത്. ടൂർണമെന്റിലുടനീളം ആധിപത്യം പുലർത്തിയ ഇന്ത്യ ഫൈനലിലും ഇംഗ്ലണ്ടിന് യാതൊരു അവസരവും നൽകാതെയാണ് വിജയം പിടിച്ചെടുത്തത്.

വൈഭവ് സൂര്യവംശിയുടെ വെടിക്കെട്ട് ബാറ്റിങ്ങാണ് ഇന്ത്യക്ക് കൂറ്റൻ ടോട്ടൽ സമ്മാനിച്ചത്. മത്സരത്തിൽ വെറും 55 പന്തിൽ നിന്ന് സെഞ്ച്വറി തികച്ച വൈഭവ്, അണ്ടർ-19 ലോകകപ്പ് ചരിത്രത്തിൽ ഒരു ഇന്ത്യൻ താരം നേടുന്ന ഏറ്റവും വേഗതയേറിയ സെഞ്ച്വറിയെന്ന റെക്കോർഡും സ്വന്തമാക്കി. 80 പന്തിൽ 175 റൺസെടുത്ത താരത്തിന്റെ ഇന്നിംഗ്സിൽ 15 ഫോറുകളും 15 സിക്സറുകളും ഉൾപ്പെടുന്നു.

ഇപ്പോൾ വൈഭവിന്റെ ഈ തകർപ്പൻ പ്രകടനത്തെ പ്രശംസിച്ചിരിക്കുകയാണ് മുൻ ഇന്ത്യൻ താരം ക്രിസ് ശ്രീകാന്ത്. സെക്ടർമാർ വൈഭവിന്റെ പ്രകടനങ്ങൾ കാണുന്നില്ലേയെന്നാണ്  ശ്രീകാന്ത് ചോദിച്ചത്. സച്ചിൻ ടെണ്ടുൽക്കർ, വിരാട് കോഹ്‌ലി എന്നീ താരങ്ങളെ പോലെ ഒരു തലമുറയിൽ മാത്രം ലഭിക്കുന്ന താരമാണ് വൈഭവെന്നും ക്രിസ് ശ്രീകാന്ത് പറഞ്ഞു. തന്റെ യുട്യൂബ് ചാനലിലൂടെ സംസാരിക്കുകയായിരുന്നു മുൻ ഇന്ത്യൻ താരം. 

"സെലക്ടർമാർ അവന്റെ പ്രകടനം ശ്രദ്ധിക്കുന്നുണ്ടെന്ന് പ്രതീക്ഷിക്കുന്നു.  ദയവായി അവനെ വേഗത്തിൽ ഇന്ത്യൻ ടീമിൽ കളിപ്പിക്കുക. ഇപ്പോൾ മറ്റു മാർഗങ്ങൾ ഒന്നുമില്ല. പലരും അണ്ടർ 19 മുതൽ തന്നെ ഇന്ത്യയുടെ ക്യാപ്റ്റനായി മാറിയിട്ടുണ്ട്.  ലോകകപ്പ് ഫൈനലിലും ഐപിഎല്ലിലും  എല്ലാ ആഭ്യന്തര മത്സരങ്ങളിലും അവൻ തകർപ്പൻ പ്രകടനം കാഴ്ചവെക്കുന്നു.  അവൻ ഇതുവരെ എന്തെങ്കിലും ലക്ഷ്യം നേടാൻ ഇനി ബാക്കിയുണ്ടോ?

ഇതുപോലെ മികച്ച രീതിയിൽ കളിക്കുന്ന ഏതെങ്കിലും താരത്തെ എന്തുകൊണ്ട് ഇന്റർനാഷണൽ ക്രിക്കറ്റിൽ വേഗത്തിൽ അവസരം നൽകി കൂടാ. ഇനി ഒരു സീസൺ കൂടി കാത്തിരിക്കേണ്ട ആവശ്യമില്ല. അവൻ വളരെ ചെറുപ്പമാണ്. ഞാനായിരുന്നെങ്കിൽ ഈ ടി-20 ലോകകപ്പിൽ അവനെ റിസർവിൽ  നിർത്തുമായിരുന്നു. കാരണം അതിൽനിന്ന് അവന് ഒരുപാട് അനുഭവസമ്പത്ത് ലഭിക്കും. ഇപ്പോൾ വൈഭവ് അവന്റെ സ്ഥാനം നേടുകയാണ്. ഗൗതം ഗംഭീറും സെലക്ടർമാരും അത് കാണുമെന്ന് ഞാൻ പ്രതീക്ഷിക്കുന്നു.  അത്തരം താരങ്ങളെ ഒരു തലമുറയിൽ ഒരിക്കൽ മാത്രമേ ലഭിക്കൂ. സച്ചിൻ ടെണ്ടുൽക്കർ, വിരാട് കോഹ്‌ലി ഇപ്പോൾ വൈഭവ് സൂര്യവംശി. അവന് സൃഷ്ടിക്കാൻ കഴിയുന്ന സ്വാധീനം വളരെ അത്ഭുതകരമാണ്" ക്രിസ് ശ്രീകാന്ത് പറഞ്ഞു.

Former Indian cricketer Kris Srikkanth has praised youngster Vaibhav Suryavanshi. Srikkanth asked if the sectors are not seeing Vaibhav's performances. Kris Srikkanth also said that Vaibhav is a player who only comes in a generation like Sachin Tendulkar and Virat Kohli. The former Indian cricketer was speaking on his YouTube channel.