ഫരീദാബാദ്: ഹരിയാനയിലെ പ്രശസ്തമായ സൂരജ്കുണ്ഡ് മേളയ്ക്കിടെയുണ്ടായ വന്‍ അപകടത്തില്‍ പൊലിസ് ഉദ്യോഗസ്ഥന്‍ കൊല്ലപ്പെട്ടു. സുരക്ഷാ ചുമതലയിലുണ്ടായിരുന്ന പാല്‍വാല്‍ പൊലിസ് ലൈന്‍സിലെ ഇന്‍സ്‌പെക്ടര്‍ ജഗദീഷ് പ്രസാദാണ് മരിച്ചത്. നിയന്ത്രണം വിട്ട് തകര്‍ന്നു വീണ 'സുനാമി സ്വിംഗില്‍' നിന്ന് ആളുകളെ രക്ഷിക്കാന്‍ ശ്രമിക്കുന്നതിനിടെയായിരുന്നു അദ്ദേഹത്തിന്റെ അന്ത്യം. അപകടത്തില്‍ 13 പേര്‍ക്ക് പരിക്കേറ്റു.

Joyride collapsed at the Surajkund Mela, Faridabad. Two killed, twelve injured.

Another reminder to never, ever do adventure rides or sports in India. Here, most adventure rides are temporarily assembled, poorly audited, and run on jugaad, not engineering. Safety checks are… pic.twitter.com/FbI6sagC0F

— THE SKIN DOCTOR (@theskindoctor13) February 7, 2026

ശനിയാഴ്ച വൈകുന്നേരം 6:15 ഓടെയാണ് സംഭവം. ഏകദേശം 15 പേരുമായി ഉയരത്തില്‍ കറങ്ങിക്കൊണ്ടിരുന്ന ഭീമന്‍ ഊഞ്ഞാല്‍ (Tsunami Swing) പെട്ടെന്ന് നിയന്ത്രണം നഷ്ടപ്പെട്ട് വായുവില്‍ മറിയുകയും താഴേക്ക് പതിക്കുകയുമായിരുന്നു. ഊഞ്ഞാല്‍ തകര്‍ന്നു വീഴുന്നത് കണ്ട് അവിടെയുണ്ടായിരുന്നവരെ രക്ഷിക്കാന്‍ ജഗദീഷ് പ്രസാദ് ഓടിയെത്തി. ഈ ശ്രമത്തിനിടയില്‍ ഊഞ്ഞാലിന്റെ ഭാഗങ്ങള്‍ ഇടിച്ച് അദ്ദേഹത്തിന്റെ തലയ്ക്കും മുഖത്തും ഗുരുതരമായി പരിക്കേറ്റു. അടുത്ത മാസം സര്‍വീസില്‍ നിന്ന് വിരമിക്കാനിരിക്കെയാണ് ഈ ധീരനായ ഉദ്യോഗസ്ഥന്‍ ലോകത്തോട് വിടപറഞ്ഞത്.

 ALSO READ: അധ്യക്ഷനും അംഗങ്ങളുമില്ല ന്യൂനപക്ഷ കമ്മിഷൻ നിശ്ചലം; കേന്ദ്രത്തിന് ഹൈക്കോടതി വിമർശനം; നോട്ടിസ്

സംഭവത്തില്‍ സര്‍ക്കാര്‍ ഉന്നതതല അന്വേഷണത്തിന് ഉത്തരവിട്ടു. ജില്ലാ മജിസ്‌ട്രേറ്റ് ആയുഷ് സിന്‍ഹയുടെ നേതൃത്വത്തില്‍ മേള നഗരി ഒഴിപ്പിക്കുകയും പരിക്കേറ്റവരെ ആശുപത്രികളില്‍ പ്രവേശിപ്പിക്കുകയും ചെയ്തു. മുഖ്യമന്ത്രി നായബ് സൈനി സംഭവത്തില്‍ അനുശോചനം രേഖപ്പെടുത്തുകയും പരിക്കേറ്റവര്‍ക്ക് മികച്ച ചികിത്സ ഉറപ്പാക്കാന്‍ നിര്‍ദേശിക്കുകയും ചെയ്തു. ജനുവരി 31ന് ആരംഭിച്ച മേള ഫെബ്രുവരി 15 വരെ തുടരാനിരിക്കെയാണ് ഈ അപ്രതീക്ഷിത ദുരന്തം.

An inspector from the Palwal Police Lines, Jagdish Prasad—who was set to retire next month—lost his life while heroically trying to rescue people after a "Tsunami Swing" ride collapsed at the Surajkund Mela in Faridabad, leaving 13 others injured.