തിരുവനന്തപുരം: അനധികൃത സ്വത്ത് സമ്പാദന കേസില്‍ മുന്‍ മന്ത്രി വി.എസ് ശിവകുമാറിന് ക്ലീന്‍ചിറ്റ്. നേരത്തെ പുറത്തു വന്ന അന്വേഷണ റിപ്പോര്‍ട്ടുകള്‍ തള്ളിയാണ് വിജിലന്‍സ് സിവകുമാറിന് ക്ലീന്‍ ചിറ്റ് നല്‍കിയിരിക്കുന്നത്. ശിവകുമാര്‍ അനധികൃതമായി സ്വത്ത് സമ്പാദിച്ചിട്ടില്ലെന്നാണ് സര്‍ക്കാറിന് സമര്‍പ്പിച്ച റിപ്പോര്‍ട്ടില്‍ പറയുന്നത്.  എന്നാല്‍ ശിവകുമാറിന് ഒപ്പം ഉണ്ടായിരുന്ന ചിലര്‍ അനധികൃതമായി സ്വത്ത് സമ്പാദിച്ചിട്ടുണ്ടെന്നും റിപ്പോര്‍ട്ടില്‍ പറയുന്നു.  ഇവര്‍ക്കെതിരെ ആദായ നികുതി വകുപ്പിന്റെ അന്വേഷണം വേണമെന്നും റിപ്പോര്‍ട്ട് ആവശ്യപ്പെടുന്നുണ്ട്.

ALSO READ: ദീപക് ആത്മഹത്യ ചെയ്ത സംഭവം; ഷിംജിത മുസ്തഫയുടെ ജാമ്യാപേക്ഷയിൽ ഇന്ന് വിധി

നേരത്തെ ശിവകുമാര്‍ അനധികൃത സ്വത്ത് സമ്പാദനം നടത്തിയെന്ന് അന്വേഷണത്തിന് പിന്നാലെ വിജിലന്‍സ് സംശയം പ്രകടിപ്പിച്ചുരുന്നു.ആരോഗ്യമന്ത്രിയായിരുന്ന കാലത്ത് വി.എസ് ശിവകുമാറിന്റെ ആസ്തിവകകളില്‍ വലിയ വ്യത്യാസമുണ്ടായെന്നാണ് വിജിലന്‍സ് അന്വേഷണത്തില്‍ കണ്ടെത്തിയിരുന്നത്. തിരുവനന്തപുരത്തെ ഒരു സ്വകാര്യ ആശുപത്രിയുടെ ഉടമസ്ഥാവകാശം ബിനാമിയിലൂടെ ശിവകുമാര്‍ നേടിയെടുത്തുവെന്നും അന്ന് വിജിലന്‍സ് കണ്ടെത്തിയിരുന്നു.

വിജിലന്‍സ് രജിസ്റ്റര്‍ ചെയ്ത ഈ കേസിന്റെ തുടര്‍ച്ചയായാണ് കള്ളപ്പണ ഇടപാട് സംബന്ധിച്ച അന്വേഷണത്തിലേക്ക് ഇഡി കടക്കുന്നത്. 2020ല്‍ ശിവകുമാറിന്റെയും ബിനാമികളുടെയും വീടുകളില്‍ ഇഡി റെയ്ഡ് നടത്തുകയും ചെയ്തിരുന്നു. എന്നാല്‍ ശിവകുമാറിനെതിരായ കണ്ടെത്തലുകള്‍ തള്ളുന്നതാണ് നിലവിലെ വിജിലന്‍സ് റിപ്പോര്‍ട്ട്. 

former kerala minister vs sivakumar has been given a clean chit by the vigilance department in the illegal asset case. the latest report submitted to the government rejects earlier findings but recommends income tax investigation against some associates.