പുതുപ്പള്ളി: പുതുപ്പള്ളിയും കേരളവും ഇടതുപക്ഷ സര്‍ക്കാരിനെതിരെ വോട്ട് രേഖപ്പെടുത്തുന്ന ദിവസമാണ് ഇന്നെന്ന് ചാണ്ടി ഉമ്മന്‍. എന്റെ പിതാവിനെ അന്യായമായി ഒന്‍പത് വര്‍ഷക്കാലം ഈ സര്‍ക്കാര്‍ വേട്ടയാടി. അങ്ങനെ വേട്ടയാടിയവര്‍ക്കെതിരെ കേരളം ഇന്ന് വോട്ട് ചെയ്യുമെന്നും ചാണ്ടി ഉമ്മന്‍ പറഞ്ഞു. 

പണി തീരാത്ത മിനി സിവില്‍ സ്റ്റേഷന് ഉമ്മന്‍ ചാണ്ടിയുടെ പേരിട്ട് അദ്ദേഹത്തെ അപമാനിച്ചു. വികസനപ്രവര്‍ത്തനങ്ങള്‍ക്കായി ഫണ്ട് തരാതെ വേട്ടയാടി. വികസനപ്രവര്‍ത്തനങ്ങള്‍ തടഞ്ഞു. അതിനുള്ള പ്രതിഷേധം കൂടിയാണ് ഇതെന്നും അദ്ദേഹം പറഞ്ഞു. 

ALSO READ: കോഴിക്കോട് സൗത്തില്‍ ബിജെപി സ്ഥാനാര്‍ത്ഥിക്കെതിരെ പരാതി: വോട്ടര്‍മാര്‍ക്ക് കിറ്റും പണവും വിതരണം ചെയ്തതായി ആരോപണം

ശബരിമല സ്വര്‍ണ്ണക്കൊള്ള, നാടിനെ ആകെ ബാധിച്ച പ്രശ്‌നങ്ങളിലെല്ലാം പ്രതിഷേധമുണ്ട്. ജനങ്ങള്‍ പോളിങ് ബൂത്തില്‍ ചെല്ലുമ്പോള്‍ ആ പ്രതിഷേധം കാണിക്കും. കുടുംബത്തെ സംബന്ധിച്ചിടത്തോളം ഏറ്റവും വേദനയുള്ള ദിവസമാണെന്നും ചാണ്ടി ഉമ്മന്‍ പറഞ്ഞു. 

പ്രതിഷേധ സൂചകമായി കറുത്ത വസ്ത്രം ധരിച്ചാണ് ചാണ്ടി ഉമ്മന്‍ പളിങ്ങ് ബൂത്തിലെത്തിയത്. പുതുപ്പള്ളി ജോര്‍ജിയന്‍ പബ്ലിക് സ്‌കൂളിലെ 140-ാം നമ്പര്‍ ബൂത്തില്‍ അമ്മ മറിയാമ്മ ഉമ്മന്‍, സഹോദരി മറിയ എന്നിവര്‍ക്കൊപ്പമെത്തിയാണ് ചാണ്ടി ഉമ്മന്‍ വോട്ട് രേഖപ്പെടുത്തിയത്. 

Chandy Oommen arrived at the polling booth wearing black attire, describing it as a protest against those who allegedly targeted former Chief Minister Oommen Chandy. He stated that Kerala would respond through the ballot, turning the election into a referendum on the treatment of his father. The symbolic gesture has added emotional and political weight to the ongoing elections.