ദുബൈ: വെല്ലുവിളികൾക്ക് മുന്നിൽ പതറാതെ യുഎഇ കൂടുതൽ കരുത്തോടെ മുന്നേറുമെന്ന പ്രസിഡന്റ് ശൈഖ് മുഹമ്മദ് ബിൻ സായിദ് അൽ നഹ്യാന്റെ വാക്കുകൾ ഏറ്റുപിടിച്ച് ദുബൈ കിരീടാവകാശി ശൈഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം. "നമ്മൾ കൂടുതൽ ശക്തമായി ഉയർന്നുവരും" എന്ന പ്രസിഡന്റിന്റെ വാഗ്ദാനം ഉൾപ്പെടുത്തിയുള്ള ഹൃദയസ്പർശിയായ വീഡിയോ ശൈഖ് ഹംദാൻ തന്റെ സോഷ്യൽ മീഡിയ പേജുകളിലൂടെ പങ്കുവെച്ചു.

 

 

വിശ്വാസത്തിന്റെ കരുത്ത്

യുഎഇയുടെ സൗന്ദര്യത്തെയും അവിടുത്തെ ജനങ്ങളുടെ അതിജീവന ശേഷിയെയും പുകഴ്ത്തുന്ന വീഡിയോയിൽ പ്രസിഡന്റ് ശൈഖ് മുഹമ്മദ് ബിൻ സായിദിന്റെ വിഖ്യാതമായ ഉദ്ധരണികൾ ഉൾപ്പെടുത്തിയിട്ടുണ്ട്. "യുഎഇ ആകർഷകമാണ്, യുഎഇ മനോഹരമാണ്. നമ്മൾ കൂടുതൽ ശക്തരായി ഉയർന്നുവരുമെന്ന് ഞാൻ എല്ലാവർക്കും വാഗ്ദാനം ചെയ്യുന്നു," എന്ന പ്രസിഡന്റിന്റെ വാക്കുകൾ രാജ്യത്തിന്റെ ആത്മവിശ്വാസത്തിന്റെ പ്രതീകമായി വീഡിയോയിൽ നിറഞ്ഞുനിൽക്കുന്നു.

ബുർജ് ഖലീഫ, ബുർജ് അൽ അറബ് തുടങ്ങിയ ദുബായിലെ വിശ്വപ്രസിദ്ധമായ ലാൻഡ്‌മാർക്കുകൾ ഉൾപ്പെടുത്തി തയ്യാറാക്കിയ വീഡിയോ ചുരുങ്ങിയ സമയത്തിനുള്ളിൽ ദശലക്ഷക്കണക്കിന് ആളുകളാണ് കണ്ടത്. വീഡിയോയ്‌ക്കൊപ്പം പ്രസിഡന്റിനെ പ്രകീർത്തിച്ചുകൊണ്ടുള്ള മനോഹരമായ കവിതയും ശൈഖ് ഹംദാൻ പങ്കുവെച്ചിട്ടുണ്ട്.

ALSO READ: സ്ഥിരതയും സുരക്ഷയും പ്രധാനം; പശ്ചിമേഷ്യയുടെ നല്ല ഭാവിക്ക് സത്യസന്ധമായ നിലപാടുകളാണ് വേണ്ടതെന്ന് യുഎഇ പ്രസിഡന്റിന്റെ നയതന്ത്ര ഉപദേഷ്ടാവ്

വാഗ്ദാനങ്ങൾ നൽകുന്നവർ പലരുണ്ടാകാം, എന്നാൽ അത് പാലിക്കുന്നവരാണ് യഥാർത്ഥ നേതാക്കൾ. മുഹമ്മദ് ബിൻ സായിദ് അത്തരമൊരു നായകനാണെന്നാണ് ശൈഖ് ഹംദാൻ വീഡിയോയിൽ കുറിച്ചിരിക്കുന്നത്.
 
പ്രതിരോധത്തിന്റെ സന്ദേശം

മേഖലയിലെ നിലവിലെ സാഹചര്യങ്ങളുടെ പശ്ചാത്തലത്തിൽ, യുഎഇ ഒരു എളുപ്പമുള്ള ലക്ഷ്യമല്ല എന്നും രാജ്യത്തിന്റെ സുരക്ഷയിൽ വിട്ടുവീഴ്ചയില്ലെന്നും ഉള്ള ശക്തമായ സന്ദേശം കൂടിയാണ് ഈ പോസ്റ്റിലൂടെ നേതൃത്വം നൽകുന്നത്. വെല്ലുവിളികളെ നേരിടുമ്പോൾ ജനങ്ങൾക്ക് ആത്മവിശ്വാസം നൽകുന്നതിനൊപ്പം ദേശീയ ഐക്യം ഉറപ്പാക്കാനും ഈ വീഡിയോ ലക്ഷ്യമിടുന്നു.

Dubai Crown Prince Sheikh Hamdan shares an inspiring video echoing UAE President Sheikh Mohamed bin Zayed's promise that the nation will emerge stronger from challenges, highlighting unity and resilience.