മസ്‌കത്ത്: ഒമാനില്‍ റീടെയില്‍ സാന്നിധ്യം വിപുലമാക്കുന്നതിന്റെ ഭാഗമായി മസ്‌കത്ത് അല്‍ ഖുറമില്‍ ലുലു പുതിയ ഹൈപര്‍ മാര്‍ക്കറ്റ് തുറന്നു. ഒമാനിലെ 33 മത്തെ സ്റ്റോറാണ് അല്‍ ഖുറമിലേത്. ലുലു ഗ്രൂപ്പ് ചെയര്‍മാന്‍ എം.എ യൂസഫലിയുടെ സാന്നിധ്യത്തില്‍ വാണിജ്യവ്യവസായ നിക്ഷേപക പ്രോത്സാഹന മന്ത്രാലയം അണ്ടര്‍ സെക്രട്ടറി ഗാലിബ് ബിന്‍ സെയ്ദ് മഅ്മരി ലുലു ഹൈപര്‍ മാര്‍ക്കറ്റിന്റെ ഉദ്ഘാടനം നിര്‍വഹിച്ചു. 33,700 സ്‌ക്വയര്‍ ഫീറ്റിലുള്ള ലുലു ഹൈപര്‍ മാര്‍ക്കറ്റ് മികച്ച ഷോപ്പിങ്ങ് അനുഭവമാണ് ഉപഭോക്താക്കള്‍ക്ക് സമ്മാനിക്കുക. ഗ്രോസറി, ഫ്രഷ് ഫുഡ്, ഹോട്ട് ഫുഡ്, ബേക്കറി, മത്സ്യംഇറച്ചി ലൈവ് കൗണ്ടറുകള്‍ അടക്കം ഒരുക്കിയിട്ടുണ്ട്. 
വൈവിധ്യമാര്‍ന്ന ഫാഷന്‍ ഉത്പന്നങ്ങള്‍, ഇലക്ട്രോണിക്‌സ് ഹോം അപ്ലയന്‍സസ് ഉത്പന്നങ്ങളുടെ മികച്ച ശേഖരവും ലഭ്യമാക്കിയിട്ടുണ്ട്. ഷോപ്പിങ്ങ് കൂടുതല്‍ സുഗമമാക്കാന്‍ സെല്‍ ചെക്ക് ഔട്ട് കൗണ്ടറുകള്‍, മികച്ച പാര്‍ക്കിംഗ് സൗകര്യം എന്നിവയും ലഭ്യമാക്കിയിട്ടുണ്ട്. ഒമാനില്‍ റീടെയില്‍ സേവനം കൂടുതല്‍ സജീവമാക്കുന്നതിന്റെ ഭാഗമായാണ് പുതിയ ഹൈപര്‍ മാര്‍ക്കറ്റ് എന്നും, പ്രാദേശിക വികസനത്തിനൊപ്പം മികച്ച തൊഴിലവസരം കൂടിയാണ് യാഥാര്‍ഥ്യമാകുന്നതെന്നും ലുലു ഗ്രൂപ്പ് ചെയര്‍മാന്‍ എം.എ യൂസഫലി വ്യക്തമാക്കി. 
ഒമാനില്‍ വിപുലമായ പദ്ധതികളാണ് ലുലുവിനുള്ളതെന്നും, ഭക്ഷ്യ സംസ്‌കരണ കേന്ദ്രമടക്കം ആറ് പുതിയ പ്രൊജക്ടുകള്‍ ഉടന്‍ യാഥാര്‍ഥ്യമാക്കുമെന്നും അദ്ദേഹം അറിയിച്ചു. ലുലുവിന്റെ പദ്ധതികള്‍ക്ക് എല്ലാവിധ പിന്തുണയും നല്‍കുന്ന സുല്‍ത്താന്‍ ഹൈഥം ബിന്‍ താരിഖിനും ഭരണ നേതൃത്വത്തിനും അദ്ദേഹം നന്ദി അറിയിച്ചു. ലുലു ഒമാന്‍ ഡയരക്ടര്‍ ഷബീര്‍ കെ.എ, റീജിയണല്‍ ഡയരക്ടര്‍ അന്‍വര്‍ സാദത്ത് എം.എ, ലുലു ഇന്റര്‍നാഷണല്‍ ഹോള്‍ഡിങ്ങ്‌സ് ഡയരക്ടര്‍ ആനന്ദ് റാം തുടങ്ങിയവരും ചടങ്ങില്‍ പങ്കെടുത്തു.

ALSO READ: ജി.സി.സി നേതാക്കളെ അപമാനിച്ചാല്‍ കടുത്ത ശിക്ഷ; പ്രവാസികളെ നാടുകടത്തും; പോസ്റ്റുകള്‍ പങ്കുവച്ചാലും ലൈക്ക് ചെയ്താലും പണികിട്ടും; മുന്നറിയിപ്പുമായി സഊദി ആഭ്യന്തര മന്ത്രാലയം

Strengthening its retail footprint in the Sultanate of Oman, Lulu has opened a new hypermarket at Al Qurum Complex, Muscat, marking its 33rd store in Oman and underscoring the group’s sustained growth and expansion strategy in the country. The new store was inaugurated by Ghalib bin Said al Maamari, Under-Secretary of the Ministry of Commerce, Industry and Investment Promotion for Commerce and Industry in the presence of Yusuff Ali M A, Chairman of LuLu Group, senior government officials and other dignitaries.