മസ്‌കത്ത്: ഒമാനിൽ റമദാൻ മാസത്തിന്റെ ആരംഭം സംബന്ധിച്ച ഔദ്യോഗിക പ്രഖ്യാപനം പുറത്തുവന്നു. ഫെബ്രുവരി 19 വ്യാഴാഴ്ച റമദാൻ മാസത്തിലെ ആദ്യ ദിനമായിരിക്കുമെന്ന് ഒമാൻ ഭരണകൂടം അറിയിച്ചു.

ഹിജ്റ കലണ്ടർ പ്രകാരം ശഅബാൻ 29-ാം ദിവസമായ ഫെബ്രുവരി 17 ചൊവ്വാഴ്ച മാസപ്പിറവി ദൃശ്യമാകില്ലെന്ന് പ്രധാന കമ്മിറ്റി അറിയിച്ചു. 

ജ്യോതിശാസ്ത്ര കണക്കുകൾ പ്രകാരം മാസപ്പിറവി കാണുന്നത് അസാധ്യമായതിനാൽ, ശഅബാൻ മാസം 30 ദിവസം ഉണ്ടായിരിക്കും. തുടർന്ന് അടുത്ത ദിവസം, അതായത് ഫെബ്രുവരി 19 വ്യാഴാഴ്ച റമദാൻ ആരംഭിക്കുമെന്ന് കമ്മിറ്റി വ്യക്തമാക്കി.

വിശുദ്ധ മാസത്തിന്റെ തുടക്കത്തിൽ സുൽത്താൻ ഹൈതം ബിൻ താരിഖ് ഉൾപ്പെടെയുള്ള ഭരണാധികാരികൾക്ക് ഒമാൻ എൻഡോവ്‌മെന്റ് മന്ത്രാലയം ആശംസകൾ നേർന്നു. ഒമാനിലെ ജനങ്ങൾക്കും ലോകമെമ്പാടുമുള്ള മുസ്ലീങ്ങൾക്കും പുണ്യമാസത്തിൽ നോമ്പും പ്രാർത്ഥനകളും സ്വീകരിക്കപ്പെടട്ടെയെന്ന് മന്ത്രാലയം ആശംസിച്ചു.

oman’s main moon-sighting committee has officially declared february 19, 2026 as the first day of ramadan based on confirmed astronomical calculations, offering clarity for fasting and religious observances across the sultanate.