കുവൈത്ത് സിറ്റി: 65ാമത് ദേശീയ ദിനവും 35ാമത് വിമോചന ദിനവും പ്രമാണിച്ച് കുവൈത്ത് മന്ത്രിസഭ പൊതു അവധി പ്രഖ്യാപിച്ചു. ഫെബ്രുവരി 25 ബുധനാഴ്ച, ഫെബ്രുവരി 26 വ്യാഴാഴ്ച ദിവസങ്ങളിലാണ് അവധി. ഫെബ്രുവരി 27 വെള്ളിയാഴ്ചയും 28 ശനിയാഴ്ചയും വാരാന്ത്യ അവധി കൂടി എത്തുന്നതോടെ സര്‍ക്കാര്‍ സ്ഥാപനങ്ങള്‍ക്കും മന്ത്രാലയങ്ങള്‍ക്കും തുടര്‍ച്ചയായ നാല് ദിവസത്തെ അവധിയാണ് ലഭിക്കുന്നത്.  ആശുപത്രികള്‍, സുരക്ഷാ സംവിധാനങ്ങള്‍ തുടങ്ങി അത്യാവശ്യ സേവന വിഭാഗങ്ങളിലെ ജീവനക്കാരുടെ അവധി ക്രമീകരണങ്ങള്‍ ആ സ്ഥാപനങ്ങളിലെ മേധാവികള്‍ക്ക് തീരുമാനിക്കാം.
പ്രധാനമന്ത്രി ഷെയ്ഖ് അഹ്മദ് അബ്ദുല്ല അല്‍ അഹമ്മദ് അല്‍ സബാഹിന്റെ അധ്യക്ഷതയില്‍ ചേര്‍ന്ന മന്ത്രിസഭായോഗത്തിലാണ് തീരുമാനം. അവധിക്ക് ശേഷം മാര്‍ച്ച് ഒന്ന് ഞായറാഴ്ച ഔദ്യോഗിക പ്രവൃത്തി ദിനങ്ങള്‍ പുനരാരംഭിക്കും.
കുവൈത്തിലെ സ്വദേശികള്‍ക്കും പ്രവാസികള്‍ക്കും ആഘോഷങ്ങള്‍ക്കും യാത്രകള്‍ക്കുമായി ഈ ദീര്‍ഘിച്ച അവധി അവസരമൊരുക്കും. സ്വകാര്യ മേഖലയിലെ കമ്പനികള്‍ സാധാരണയായി സര്‍ക്കാരിന്റെ അവധി ക്രമീകരണങ്ങള്‍ പിന്തുടരാറുണ്ടെങ്കിലും, ഓരോ സ്ഥാപനത്തിലെയും എച്ച്ആര്‍ (എച്ച്.ആര്‍) വിഭാഗത്തിന്റെ അറിയിപ്പുകള്‍ക്കായി കാത്തിരിക്കണമെന്ന് അധികൃതര്‍ നിര്‍ദ്ദേശിച്ചു.

ALSO READ: ജി.സി.സി നേതാക്കളെ അപമാനിച്ചാല്‍ കടുത്ത ശിക്ഷ; പ്രവാസികളെ നാടുകടത്തും; പോസ്റ്റുകള്‍ പങ്കുവച്ചാലും ലൈക്ക് ചെയ്താലും പണികിട്ടും; മുന്നറിയിപ്പുമായി സഊദി ആഭ്യന്തര മന്ത്രാലയം

Kuwait’s Cabinet has declared a two-day public holiday across government entities to mark National Day and Liberation Day, creating a four-day extended break for most public sector employees when combined with the weekend. Work at all ministries, government agencies, public authorities and public institutions will be suspended on Wednesday and Thursday, February 25 and 26. Official working hours will resume on Sunday, March 1.