മുംബൈ: മുംബൈയിലെ മുളുണ്ടിൽ നിർമ്മാണത്തിലിരുന്ന മെട്രോ പാലത്തിന്റെ ഭാഗം തകർന്നുവീണ് ഓട്ടോറിക്ഷയ്ക്കും കാറിനും മുകളിലേക്ക് പതിച്ചുണ്ടായ അപകടത്തിൽ ഒരാൾ മരിച്ചു. മൂന്നുപേർക്ക് പരുക്കേറ്റു. മുളുണ്ടിലെ എൽബിഎസ് റോഡിൽ വെച്ചാണ് ദാരുണമായ അപകടം സംഭവിച്ചത്.

ALSO READ: ഹൈവേയില്‍ വിമാനമിറങ്ങി പ്രധാനമന്ത്രി; വടക്കുകിഴക്കന്‍ മേഖലയിലെ ആദ്യ എമര്‍ജന്‍സി ലാന്‍ഡിങ് ഫെസിലിറ്റി ഉദ്ഘാടനം ചെയ്തു

നിർമ്മാണത്തിലിരുന്ന പാരപെറ്റിന്റെ ഭാഗമാണ് താഴേക്ക് പതിച്ചത്. ഏകദേശം ആറടി നീളവും നാലടി വീതിയുമുള്ള ഭാഗമാണ് ഓട്ടോറിക്ഷയ്ക്ക് മുകളിലേക്ക് വീണത്. അപകടത്തിൽപ്പെട്ട രാംധാൻ യാദവ് എന്നയാളാണ് മരിച്ചത്. പരുക്കേറ്റ രാജ്കുമാർ ഇന്ദ്രജീത് യാദവ് (45) ഗുരുതരാവസ്ഥയിൽ തീവ്രപരിചരണ വിഭാഗത്തിൽ ചികിത്സയിലാണ്. മഹേന്ദ്ര പ്രതാപ് യാദവ് (52), ദീപ റുഹിയ (40) എന്നിവരാണ് പരുക്കേറ്റ മറ്റ് രണ്ട് പേർ. ഇവരുടെ നില തൃപ്തികരമാണെന്ന് അധികൃതർ അറിയിച്ചു.

ALSO READ: ഇന്‍സ്റ്റഗ്രാമിലൂടെ പ്രണയം; ഭോപ്പാലില്‍ യുവതിയെ കൊലപ്പെടുത്തി സെപ്റ്റിക് ടാങ്കില്‍ തള്ളി കാമുകന്‍ 

മുംബൈ മെട്രോപൊളിറ്റൻ റീജിയൺ ഡെവലപ്‌മെന്റ് അതോറിറ്റി (എംഎംആർഡിഎ) ഉദ്യോഗസ്ഥർ സ്ഥലത്തെത്തി രക്ഷാപ്രവർത്തനങ്ങൾക്ക് നേതൃത്വം നൽകി. ബ്രിഹൻമുംബൈ മുനിസിപ്പൽ കോർപ്പറേഷനുമായി (ബിഎംസി) സഹകരിച്ചാണ് ദുരിതാശ്വാസ പ്രവർത്തനങ്ങൾ നടത്തുന്നത്. അപകടത്തെക്കുറിച്ച് അന്വേഷിക്കാൻ എംഎംആർഡിഎ ഉത്തരവിട്ടിട്ടുണ്ട്. നിർമ്മാണ സുരക്ഷാ പ്രോട്ടോക്കോളുകളിൽ വീഴ്ച വന്നിട്ടുണ്ടോയെന്നും ഘടനാപരമായ സ്ഥിരതയെക്കുറിച്ചും അന്വേഷണസംഘം പരിശോധിക്കും.

a tragic accident occurred in mumbai as an under-construction metro tunnel collapsed. a middle-aged worker lost his life. authorities have launched rescue operations and investigation into construction safety protocols immediately.