ഹൈദരാബാദ്: വോട്ട് ചെയ്യാനായി വോട്ടര്‍മാര്‍ക്ക് പണവും കുക്കറും വിതരണം ചെയ്തു. തെരഞ്ഞെടുപ്പ് കഴിഞ്ഞപ്പോള്‍ സ്ഥാനാര്‍തിക്ക് ഒരു ശങ്ക. ഇനി ഇവന്‍മാരൊന്നും തനിക്ക് വോട്ട് ചെയ്തിട്ടില്ലെങ്കിലോ. അങ്ങനെ ഞാന്‍ നല്‍കിയത് ഉപയോഗിക്കണ്ട. അങ്ങനെ കൊടുത്ത പണവും കുക്കറുമെല്ലാം സ്ഥാനാര്‍ഥി തിരികെ വാങ്ങി. എല്ലാം കഴിഞ്ഞ് റിസല്‍ട്ട് വന്നപ്പോഴോ...സ്ഥാനാര്‍ഥിക്ക് വന്‍ ജയവും. 

തെലങ്കാന മുനിസിപ്പല്‍ തെരഞ്ഞെടുപ്പിലാണ് സംഭവം.  അശ്വരോപേട്ട് നഗരസഭയിലെ പത്താം വാര്‍ഡ് സ്ഥാനാര്‍ഥിയായ ഹരിബാബു മിന്‍ഡക്കാണ് ഈ അമളി പറ്റിയത്.

തെരഞ്ഞെടുപ്പ് പ്രചാരണ സമയത്ത് ഹരിബാബു വോട്ടര്‍മാര്‍ക്ക് പണവും പ്രഷര്‍ കുക്കറും സമ്മാനമായി നല്‍കിയിരുന്നു. 2,500 രൂപയും പ്രഷര്‍ കുക്കറുമാണ് സ്ഥാനാര്‍ഥിയും സംഘവും വീടുകളിലെത്തി വിതരണം ചെയ്തത്.

തെരഞ്ഞെടുപ്പ് കഴിഞ്ഞതോടെ ആളുകള്‍ തനിക്ക് വോട്ട് ചെയ്തില്ലെന്ന സംശയത്തില്‍ സാധനങ്ങള്‍ തിരിച്ചുവാങ്ങി. തങ്ങളെ അപമാനിക്കുകയാണെന്ന് ആരോപിച്ച് ഇതിനെതിരെ വോട്ടര്‍മാര്‍ പ്രഷര്‍ കുക്കര്‍ റോഡില്‍ ഉപേക്ഷിച്ച് പ്രതിഷേധിക്കുകയും ചെയ്തിരുന്നു. തങ്ങള്‍ പണമോ കുക്കറോ ആവശ്യപ്പെട്ടിട്ടില്ല. പിന്നെ എന്തിനാണ് തങ്ങളെ അപമാനിക്കുന്നത് എന്നായിരുന്നു വോട്ടര്‍മാരുടെ ചോദ്യം.

378 വോട്ട് നേടിയാണ് ഹരിബാബു ജയിച്ചത്. ഭാരതീയ രാഷ്ട്ര സമിതി സ്ഥാനാര്‍ഥി 131 നേടിയപ്പോള്‍  ബി.ജെ.പി സ്ഥാനാര്‍ഥിക്ക് നാലു വോട്ടാണ് ലഭിച്ചത്. അശ്വാരോപേട്ട് നഗരസഭയില്‍ ഭരണം കോണ്‍ഗ്രസിനാണ്. 22 ല്‍ 17 സീറ്റും കോണ്‍ഗ്രസ് തന്നെ നേടി. രണ്ടു സീറ്റ് ഭാരതീയ രാഷ്ട്ര സമിതിക്കാണ്. ബി.ജെ.പി ഒരു സീറ്റിലും സ്വതന്ത്രര്‍ രണ്ടിടത്തും ജയിച്ചു. 

തെലങ്കാനയിലെ മുനിസിപ്പല്‍ തെരഞ്ഞെടുപ്പില്‍ വന്‍ പണമൊഴുക്ക് നടന്നിട്ടുണ്ടെന്നാണ് റിപ്പോര്‍ട്ട്. 3.09 കോടി രൂപ മൂല്യമുള്ള വസ്തുക്കളാണ് ഇതുവരെ പിടിച്ചെടുത്തിട്ടുത്. കണക്കില്‍പ്പെടാത്ത 1.29 കോടി രൂപ, 1.21 കോടി രൂപയുടെ മദ്യം, 15.7 ലക്ഷത്തിന്റെ ലഹരി വസ്തുക്കള്‍, 28.96 ലക്ഷത്തിന്റെ സ്വര്‍ണം, സൗജന്യമായി നല്‍കാന്‍ എത്തിച്ച 13 ലക്ഷത്തിന്റെ സമ്മാനങ്ങള്‍ എന്നിവയാണ് പരിശോധനയില്‍ പൊലിസ് പിടിച്ചെടുത്തത്. 

ALSO READ: തെലങ്കാന മുന്‍സിപ്പല്‍ തെരഞ്ഞെടുപ്പ്: കോണ്‍ഗ്രസിന് വന്‍ മുന്നേറ്റം, എങ്ങുമില്ലാതെ ബി.ജെ.പിtelengana mun

in a bizarre incident during the telangana municipal elections, aswaraopet ward candidate haribabu minda allegedly distributed cash and pressure cookers to voters, later took them back fearing defeat, but eventually secured a massive victory.