പാലക്കാട്: ആലത്തൂർ പാടൂരിന് സമീപം സ്കൂട്ടർ നിയന്ത്രണം വിട്ട് ലോറിക്കടിയിലേക്ക് മറിഞ്ഞ് യുവാവ് മരിച്ചു. പുതുക്കോട് തിരുവടപ്പൊറ്റ സ്വദേശി ഹക്കിമിന്റെ മകൻ അനസ് (21) ആണ് മരിച്ചത്. സ്കൂട്ടറിലുണ്ടായിരുന്ന സുഹൃത്ത് പഴയന്നൂർ വേങ്ങന്നൂർ പരുത്തിപ്ര സ്വദേശി റാഷിദിന് പരുക്കേറ്റു.

ഇന്ന് രാവിലെ 9:30-ഓടെയായിരുന്നു അപകടം സംഭവിച്ചത്. ആലത്തൂർ ഭാഗത്തേക്ക് വരികയായിരുന്ന സ്കൂട്ടർ പാടൂരിന് സമീപം വെച്ച് പെട്ടെന്ന് നിയന്ത്രണം വിട്ട് റോഡിലേക്ക് മറിയുകയായിരുന്നു. ഈ സമയം എതിർദിശയിൽ നിന്നും ഗ്യാസ് സിലിണ്ടറുകളുമായി വന്ന ലോറിക്കടിയിലേക്കാണ് സ്കൂട്ടർ ഇടിച്ചുകയറിയത്.

ALSO READ: ആലപ്പുഴയിൽ പ്രായപൂർത്തിയാകാത്ത പെൺകുട്ടിക്ക് നേരെ ക്രൂര പീഡനം: പിതാവടക്കം മൂന്ന് ബന്ധുക്കൾ അറസ്റ്റിൽ

അപകടം നടന്ന ഉടനെ നാട്ടുകാരും പൊലിസും ചേർന്ന് ഇരുവരെയും ഇരട്ടകുളത്തെ സ്വകാര്യ ആശുപത്രിയിൽ എത്തിച്ചെങ്കിലും ഗുരുതരമായി പരുക്കേറ്റ അനസിന്റെ ജീവൻ രക്ഷിക്കാനായില്ല. പരുക്കേറ്റ റാഷിദ് ചികിത്സയിലാണ്. സംഭവത്തിൽ ആലത്തൂർ പൊലിസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.

accident in palakkad: youth dead, friend injured a young man named anas lost his life in palakkad after the scooter he was riding skidded and fell under a moving lorry.