കോഴിക്കോട്: വീടിന് മുകളിലെ വാട്ടർ ടാങ്ക് വൃത്തിയാക്കാൻ കയറിയ ​ഗൃഹനാഥൻ ഷോക്കേറ്റ് മരിച്ചു. ഫറോക്ക് ചുങ്കം സ്വദേശി കുന്നത്ത്‌മോട്ട ഏളേടത്ത് അബൂബക്കർ ആണ് മരിച്ചത്. എഴുപത്തിയൊന്ന് വയസായിരുന്നു. 

വീടിന്റെ ടെറസിന് മുകളിൽ വാട്ടർ ടാങ്ക് വൃത്തിയാക്കാനായി കയറിയതായിരുന്നു അബൂബക്കർ. ടാങ്കിന് സമീപത്തുകൂടി കടന്നുപോകുന്ന വൈദ്യുതി ലൈനിൽ അബദ്ധത്തിൽ തട്ടിയതോടെ ഷോക്കേറ്റ് ഇയാൾ ദൂരേക്ക് തെറിച്ചുവീഴുകയായിരുന്നു. ഉടൻ തന്നെ ചുങ്കത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

ALSO READ: അപരിചിതരെ കണ്ണടച്ച് വിശ്വസിക്കരുത്: വാഗ്ദാനങ്ങൾ ലംഘിക്കപ്പെട്ടാൽ എല്ലാം പീഡനമാകില്ല; ജാഗ്രത വേണമെന്ന് സുപ്രിം കോടതി

അബൂബക്കറിനെ രക്ഷിക്കാനെത്തിയ അയൽവാസി ആഷിറിനും (24) ഷോക്കേറ്റു. പരുക്കേറ്റ ആഷിർ നിലവിൽ ചികിത്സയിലാണ്. കോഴിക്കോട് മെഡിക്കൽ കോളേജ് ആശുപത്രിയിൽ പോസ്റ്റ്മോർട്ടം നടത്തിയ ശേഷം അബൂബക്കറിന്റെ മൃതദേഹം ബന്ധുക്കൾക്ക് വിട്ടുനൽകി.

A 71-year-old man, Abubacker from Kunnathmott, Feroke, died after being electrocuted while cleaning the water tank on his rooftop. The incident has shocked the local community, and an investigation is underway [1].