കൊല്ലം: തെന്മല ഡാമിൽ അജ്ഞാത മൃതദേഹം കണ്ടെത്തി. ഇന്നലെ രാവിലെ ഡാം സുരക്ഷാ ജീവനക്കാരാണ് മൃതദേഹം കണ്ടത്. ഉടൻ തന്നെ കുളത്തൂപ്പുഴ പൊലിസിനെ വിവരമറിയിച്ചു. തുടർന്ന്, ഫയർഫോഴ്‌സെത്തി മൃതദേഹം പുറത്തെടുക്കുകയും ചെയ്തു.

കണ്ടെത്തിയ മൃതദേഹത്തിന് ദിവസങ്ങളുടെ പഴക്കമുണ്ട്. ഇത് നാല് ദിവസം മുമ്പ് കാണാതായ തമിഴ്‌നാട് തിരുനെൽവേലി സ്വദേശി ഉലകമണി (26) യുടേതാണോ എന്ന് പൊലിസ് സംശയിക്കുന്നു. നേരത്തെ, ഡാമിന് മുകളിൽ നിന്ന് ഉലകമണിയുടെ ബാഗും തിരിച്ചറിയൽ രേഖകളും കണ്ടെത്തിയിരുന്നു. 

ALSO READ: കൊച്ചിയിൽ കെഎസ്ആർടിസി ബസ്സിൽ യുവതിക്ക് നേരെ ലൈംഗികാതിക്രമം; യുവാവ് അറസ്റ്റിൽ

ജോലി അന്വേഷിച്ച് കേരളത്തിലേക്ക് വന്ന ഉലകമണിയെ കാണാനില്ലെന്ന് ചൂണ്ടികാട്ടി ബന്ധുക്കൾ തിരുനെൽവേലി പൊലിസിൽ പരാതി നൽകിയിരുന്നു.

മൃതദേഹം അഴുകിയ നിലയിലായതിനാൽ ഇൻക്വസ്റ്റ് നടപടികൾക്ക് ശേഷം ഡിഎൻഎ (DNA) പരിശോധന നടത്താനാണ് പൊലിസിന്റെ തീരുമാനം. പരിശോധനാ ഫലം വന്നതിന് ശേഷം മാത്രമേ മൃതദേഹം ഉലകമണിയുടേതാണോ എന്ന് സ്ഥിരീകരിക്കൂ. അതിനുശേഷമായിരിക്കും മൃതദേഹം ബന്ധുക്കൾക്ക് വിട്ടുനൽകുക. സംഭവത്തിൽ അസ്വാഭാവിക മരണത്തിന് കേസെടുത്ത കുളത്തൂപ്പുഴ പൊലിസ് അന്വേഷണം ആരംഭിച്ചിട്ടുണ്ട്.

An unidentified body was discovered in Thenmala Dam in Kollam district, Kerala. The dam's security personnel spotted the body floating in the reservoir yesterday morning, prompting an immediate alert to the Kulathupuzha police. Fire and Rescue Services retrieved the body, which is believed to be that of a 26-year-old man from Tamil Nadu, missing since last week.