കുവൈത്ത് സിറ്റി: അൽ-അബ്ദാലി അതിർത്തി ക്രോസിംഗിന് സമീപം യുവാവിനെ കത്തികാട്ടി ഭീഷണിപ്പെടുത്തി പണം തട്ടിയെടുത്തതായി പരാതി. സംഭവത്തിൽ 24 കാരനായ കുവൈത്ത് പൗരനെതിരെ അൽ-കാഷ്'ആനിയ പൊലിസ് കേസെടുത്തു.

ALSO READ: കുവൈത്തിൽ വിസാ ചട്ടങ്ങളിലെ പുതിയ മാറ്റങ്ങൾ അറിഞ്ഞിരിക്കാം: ഫീസുകൾ കൂട്ടി; ഫാമിലി വിസയ്ക്ക് ശമ്പള പരിധി 800 ദിനാർ; കാലാവധി കഴിഞ്ഞാലുടൻ ഓട്ടോ ആയി റദ്ദാക്കപ്പെടും, കനത്ത പിഴയും

കഴിഞ്ഞ ദിവസം രാത്രി അൽ-അബ്ദാലി പ്രദേശത്തെ ഒരു ക്യാമ്പിൽ വെച്ചാണ് സംഭവം നടന്നതെന്ന് 36 വയസ്സുള്ള പരാതിക്കാരൻ പൊലിസിന് മൊഴി നൽകി. പ്രതിയായ യുവാവ് കത്തി ചൂണ്ടി ഭീഷണിപ്പെടുത്തുകയും, കൊല്ലുമെന്ന് പറഞ്ഞ് ഭയപ്പെടുത്തി കൈവശമുണ്ടായിരുന്ന 36 കുവൈത്ത് ദിനാർ ബലമായി പിടിച്ചുവാങ്ങുകയുമായിരുന്നു. മുൻ സുഹൃത്താണ് അക്രമിയെന്ന് പരാതിയിൽ പറയുന്നു.

ALSO READ: കുവൈത്ത്-ബ്രിട്ടീഷ് സൈനികാഭ്യാസം 'ഡെസേർട്ട് വാരിയർ 9' സമാപിച്ചു; പ്രതിരോധ സഖ്യം കൂടുതൽ ശക്തം

പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്ത ജനറൽ ക്രിമിനൽ ഇൻവെസ്റ്റിഗേഷൻ വിഭാഗം അന്വേഷണം ആരംഭിച്ചു. പ്രതിയെ ചോദ്യം ചെയ്യുന്നതിനായി പൊലിസ് വിളിപ്പിച്ചിട്ടുണ്ട്. സംഭവസമയത്ത് ക്യാമ്പിലുണ്ടായിരുന്ന സാക്ഷികളുടെ മൊഴിയും പൊലിസ് രേഖപ്പെടുത്തും.

a youth has been booked in kuwait for allegedly threatening his friend with a knife and committing robbery. authorities registered a case and launched further investigation into the incident, highlighting concerns over rising violent crime cases.