റിയാദ്: ചരിത്രപ്രധാനമായ മസ്ജിദുകൾ വികസിപ്പിക്കുന്നതിനുള്ള മുഹമ്മദ് ബിൻ സൽമാൻ രാജകുമാരന്റെ പദ്ധതിയുടെ ഭാഗമായി അൽ-ജുമും ഗവർണറേറ്റിലെ അൽ-ഫത്ത് മസ്ജിദ് നവീകരിക്കുന്നു. ഈ പദ്ധതി പ്രകാരം 130 മസ്ജിദുകളിൽ രണ്ടാം ഘട്ടത്തിൽ നവീകരണം നടക്കുന്ന 60 പള്ളികളിൽ ഒന്നാണിത്. പ്രവാചകൻ മുഹമ്മദ് നബി നമസ്കരിച്ചുവെന്ന് വിശ്വസിക്കപ്പെടുന്ന പള്ളിയാണിത്. നിലവിൽ ഈ പള്ളിയ്ക്ക് 455.77 ചതുരശ്ര മീറ്ററാണ് വിസ്തീർണം. ഇത് 553.50 ചതുരശ്ര മീറ്ററായി ഉയർത്തുമെന്നാണ് വിവരം. വികസനം വരുന്നതോടെ ഒരേസമയം നമസ്കരിക്കാവുന്നവരുടെ എണ്ണം 218ൽ നിന്ന് 333 ആയി വർദ്ധിക്കും.

ALSO READ: റമദാൻ ആവേശത്തിൽ സഊദി ഈത്തപ്പഴ വിപണി; കയറ്റുമതിയിൽ 192 ശതമാനത്തിന്റെ വൻ വർധനവ്

ഹിജാസ് മേഖലയുടെ തനതായ വാസ്തുവിദ്യ നിലനിർത്തിക്കൊണ്ട് ചുടുകട്ടകൾ, ബസാൾട്ട് കല്ലുകൾ, ജിപ്സം, മരം തുടങ്ങിയവ ഉപയോ​ഗിച്ചാണ് നിർമാണം നടത്തുക. മക്കയെയും മദീനയെയും തമ്മിൽ ബന്ധിപ്പിക്കുന്ന റോഡിൽ നിന്ന് 260 മീറ്റർ മാറിയാണ് അൽ-ഫത്ത് മസ്ജിദ് സ്ഥിതി ചെയ്യുന്നത്. ഈ പള്ളിയിൽ മുമ്പ് 1998ലാണ് നവീകരണം നടന്നത്. സഊദി വിഷൻ 2030ന്റെ ഭാഗമായാണ് രാജ്യത്തിലെ പള്ളികളുടെ പഴയ പ്രതാപം വീണ്ടെടുക്കുന്നത്. റിയാദ്, മദീന, അസീർ, ജൗഫ്, ജസാൻ തുടങ്ങി 13 മേഖലകളിലും ഈ പദ്ധതിയുടെ പ്രവർത്തനങ്ങൾ നടക്കുന്നുണ്ട്.

As part of the Prince Mohammed bin Salman Project, the historic Al-Fath Mosque in Al-Jumum is undergoing a major restoration. Discover how this Vision 2030 initiative preserves Hijazi architecture and expands the capacity of this significant site.