എളേറ്റില്‍: എളേറ്റില്‍ എം.ജെ ഹയര്‍ സെക്കന്‍ഡറി സ്‌ക്കൂള്‍ മാനേജറും പ്രദേശത്തെ രാഷ്ട്രീയ-സാംസ്‌കാരിക രംഗത്തെ സജീവ സാനിധ്യവുമായിരുന്ന പി.പി അബ്ദുറഹിമാന്‍ മാസ്റ്റര്‍ സ്മരണിക കേരള നിയമസഭാ സ്പീക്കര്‍ പി. ശ്രീരാമകൃഷ്ണന്‍ ഗ്രാമപഞ്ചായത്ത് പ്രസിഡന്‍്‌റ് എം.സി ഉസൈന്‍ മാസ്റ്റര്‍ക്ക് നല്‍കി പ്രകാശനം ചെയ്തു. എളേറ്റില്‍ ഗ്രാമീണ ഗ്രന്ഥാലയമാണ് സ്മരണിക പുറത്തിറക്കിയത്.
നിയോജക മണ്ഡലം എം.എല്‍.എ കാരാട്ട് റസാഖ് അധ്യക്ഷനായി. മാപ്പിള കാലാ രംഗത്ത് പ്രശസ്തരായ ബാപ്പു വാവാട്, ആദം നെടിയനാട് എന്നിവരെ ഗതാഗത വകുപ്പ് മന്ത്രി എ.കെ ശശീന്ദ്രന്‍ പൊന്നാടയണിയിച്ച് ചടങ്ങില്‍ ആദരിച്ചു. അഡ്വ. പി.ടി.എ റഹീം എം.എല്‍.എ അനുസ്മരണ പ്രഭാഷണം നടത്തി. എഡിറ്റര്‍ തമ്മീസ് അഹമ്മദ് സ്മരണിക പരിചയപ്പെടുത്തി. പി.ഡി അബ്ദുറഹിമാന്‍ കുട്ടി മാസ്റ്റര്‍, സി. പോക്കര്‍ മാസ്റ്റര്‍ പി.പി ഹബീബ് റഹ്മാന്‍, കെ.കെ അബ്ദുറഹിമാന്‍ കുട്ടി മാസ്റ്റര്‍, ഡോ: മുജീബ് റഹ്മാന്‍, പി. സുധാകരന്‍, എന്‍.കെ സുരേഷ്, എന്‍ .സി ഉസൈന്‍ മാസ്റ്റര്‍, ബാപ്പു വാവാട്, പ്രദീപ് കുമാര്‍, ആദം നെടിയനാട്, ഫൈസല്‍ എളേറ്റില്‍, ബി.സി ഖാദര്‍ മാസ്റ്റര്‍ സംസാരിച്ചു. പരിപാടിയോടനുബന്ധിച്ച് 'ഇശല്‍ പൂക്കളം' ഗാന വിരുന്ന് നടന്നു.