മക്ക: വിശുദ്ധ മസ്ജിദുൽ ഹറാമിലെ സുരക്ഷാ ഉദ്യോഗസ്ഥർക്കും വിവിധ വകുപ്പ് പ്രതിനിധികൾക്കുമൊപ്പം മക്ക ഡെപ്യൂട്ടി അമീർ സൗദ് ബിൻ മിശ്അൽ രാജകുമാരൻ ഇഫ്താർ വിരുന്നിൽ പങ്കുചേർന്നു. മക്ക അമീർ ഖാലിദ് അൽ ഫൈസൽ രാജകുമാരന്റെ ആശംസകൾ ഡെപ്യൂട്ടി അമീർ ഉദ്യോഗസ്ഥരെ അറിയിച്ചു. തീർഥാടകർക്കായി ഉദ്യോ​ഗസ്ഥർ ചെയ്യുന്ന സേവനങ്ങളെ അദ്ദേഹം പ്രശംസിച്ചു. തീർഥാടകർക്കായി ഇനിയും ആത്മസമർപ്പണത്തോടെ പ്രവർത്തിക്കാൻ അദ്ദേഹം ഉദ്യോ​ഗസ്ഥരോട് നിർദേശിച്ചു.

ALSO READ: ലോകത്ത് ജീവിക്കാന്‍ പറ്റിയ മികച്ച സ്ഥലങ്ങളില്‍ ആദ്യ മൂന്നില്‍ ഇടംപിടിച്ച് യു.എ.ഇ; ഒമ്പതാം സ്ഥാനത്ത് സഊദി, ആളുകള്‍ അറബ് നഗരങ്ങളെ തെരഞ്ഞെടുക്കാന്‍ കാരണങ്ങള്‍ നിരവധി | Best Country to Live

തിരക്ക് നിയന്ത്രിക്കുന്നതിലും സുരക്ഷ ഉറപ്പാക്കുന്നതിലും ഉദ്യോ​ഗസ്ഥർ സ്വീകരിച്ചിട്ടുള്ള പദ്ധതികളെക്കുറിച്ച് അദ്ദേഹം നേരിട്ട് ചോദിച്ചറിഞ്ഞു. തീർഥാടകരുടെ തിരക്ക് കൂടുന്ന സാഹചര്യത്തിൽ സേവനങ്ങളുടെ ഗുണനിലവാരം ഉറപ്പുവരുത്താൻ ഡെപ്യൂട്ടി അമീറിന്റെ സന്ദർശനം ഉദ്യോഗസ്ഥർക്ക് വലിയ പ്രോത്സാഹനമായി.

Makkah Deputy Emir Prince Saud bin Mishaal joins security personnel and officials for Iftar at the Grand Mosque. The Prince commended the efforts of agencies serving Umrah pilgrims and reviewed crowd management plans to ensure safety during the busy season.