കൊച്ചി: കേരളത്തില്‍ സ്വര്‍ണവിലയില്‍ ഇന്ന് നേരിയ ഇടിവ്. ഗ്രാമിന് 20 രൂപയാണ് ഇന്ന് കുറഞ്ഞത്. പവന് 160 രൂപയും കുറഞ്ഞു. ഈ മാസത്തെ ഉയര്‍ന്നനിരക്കിലെത്തിയതിന് പിന്നാലെയാണ് വില കുറഞ്ഞിരിക്കുന്നത്. അതേസമയം, ആഗോള വിപണിയില്‍ സ്വര്‍ണത്തിന് ഉയര്‍ച്ചയാണ് ഉണ്ടായിരിക്കുന്നത്. 

സ്‌പോട്ട് ഗോള്‍ഡ് വില ഔണ്‍സിന് 5,193.238 ഡോളറിലാണ് ഇപ്പോള്‍ വ്യാപാരം നടക്കുന്നത്. . യു.എസ് ഗോള്‍ഡ് ഫ്യൂച്ചര്‍ നിരക്ക് 0.5 ശതമാനം ഉയര്‍ന്ന് 5200 ഡോളര്‍ കടന്നു. 

ALSO READ: സ്വര്‍ണവില രണ്ട് ലക്ഷത്തിന് മുകളിലേക്കോ അതോ 50000ത്തിന് താഴേക്കോ?.. പുതിയ റിപ്പോര്‍ട്ടുകള്‍ ഇങ്ങനെ

ഇന്നത്തെ വില
22 കാരറ്റ് സ്വര്‍ണം ഇന്ന് ഗ്രാമിന് 20 രൂപ കുറഞ്ഞ് 14,820 രൂപയായി. പവന് 160 രൂപ കുറഞ്ഞ് 1,18,560 രൂപയായി.

24 കാരറ്റ്
ഗ്രാമിന് 21 രൂപ കുറഞ്ഞ് 16,168
പവന് 168 രൂപ കുറഞ്ഞ് 1,29,344

22 കാരറ്റ്
ഗ്രാമിന് 20 രൂപ കുറഞ്ഞ് 14,820
പവന് 160 രൂപ കുറഞ്ഞ് 1,18,560

24 കാരറ്റ്
ഗ്രാമിന് 16 കാരറ്റ് കുറഞ്ഞ് 12,126
പവന് 128 രൂപ കുറഞ്ഞ് 97,008

കുതിപ്പിനും കിതപ്പിനും പിന്നില്‍ 
ഡോളര്‍ ദുര്‍ബലമാവുന്നതാണ് അന്താരാഷ്ട്ര വിപണിയില്‍ സ്വര്‍ണവിലയെ സ്വാധീനിച്ച ഒരു ഘടകം. ഇന്ന് നടക്കുന്ന ഇറാന്‍-യു.എസ് ചര്‍ച്ചകളും വരും ദിവസങ്ങളില്‍ സ്വര്‍ണവിലയെ സ്വാധീനിക്കുമെന്ന് നിരീക്ഷകര്‍ ചൂണ്ടിക്കാട്ടുന്നു.
ചര്‍ച്ച സമവായത്തില്‍  എത്തിയാല്‍ വില താഴുമെന്നാണ് കരുതുന്നത്. എന്നാല്‍ ചര്‍ച്ചകള്‍ക്കൊടുവില്‍ സമാധാനപരമായ ഒരു പരിഹാരമുണ്ടായില്ലെങ്കില്‍ അത് സ്വര്‍ണവില കുത്തനെ ഉയരുന്നതിലേക്ക് നയിച്ചേക്കുമെന്നും പറയുന്നു. 

ഫെഡറല്‍ റിസര്‍വിന്റെ വായ്പനയം സംബന്ധിച്ച പ്രഖ്യാപനങ്ങളാണ് വിലയെ സ്വാധീനിക്കുന്ന മറ്റൊരു ഘടകം.   ഫെഡറല്‍ റിസര്‍വ് ഈ വര്‍ഷം 25 ബേസിക് പോയിന്റിന്റെ കുറവ് പലിശനിരക്കില്‍ വരുത്തുമെന്ന് റിപ്പോര്‍ട്ടുകള്‍ പറയുന്നു. പലിശനിരക്ക് കുറക്കുന്നതുമായി ബന്ധപ്പെട്ട് കൂടുതല്‍ പ്രതികരണങ്ങള്‍ ഫെഡറല്‍ റിസര്‍വിന്റെ ഭാഗത്ത് നിന്ന് ഉണ്ടായാല്‍ അത് സ്വര്‍ണവില ഉയരുന്നതിനിടയാക്കും. ട്രംപിന്റെ തീരുവ യുദ്ധവും വിലക്കയറ്റത്തിന് കാരണമാവുന്ന മറ്റൊരു ഘടകമാണ്. 

gold prices witness a marginal decline today after reaching the highest rate of the month, offering slight relief to buyers in kerala markets.