ടി-20 ലോകകപ്പ് ഫൈനൽ പോരാട്ടത്തിന് മുന്നോടിയായി ഇന്ത്യൻ ഓപ്പണർ അഭിഷേക് ശർമക്ക് പിന്തുണയുമായി മലയാളി താരം സഞ്ജു സാംസൺ. ഫൈനൽ അഭിഷേക് ശർമയുടെ ദിവസമായിരിക്കുമെന്നാണ് സഞ്ജു പറഞ്ഞത്. ഓരോ താരങ്ങൾക്കും ഉയർച്ച താഴ്ചകൾ ഉണ്ടാകുമെന്നും അഭിഷേകിൽ ഇപ്പോഴും വിശ്വാസമുണ്ടെന്നാണ് സഞ്ജു പറഞ്ഞത്. 

''ഞങ്ങൾക്ക് ഡ്രസിങ് റൂമിൽ മികച്ച അന്തരീക്ഷമാണുള്ളത്. അഭിഷേകിൽ ഞങ്ങൾക്ക് വലിയ വിശ്വാസമുണ്ട്. ഞങ്ങൾ എല്ലാവരും അദ്ദേഹത്തെ പിന്തുണക്കുന്നുണ്ട്. എല്ലാ താരങ്ങളും ഉയർച്ച താഴ്ചയുണ്ടാകും. ഞാൻ ഇപ്പോഴും അദ്ദേഹത്തിൽ വിശ്വസിക്കുന്നു. ഫൈനൽ അദ്ദേഹത്തിന്റെ ദിവസമായിരിക്കാം'' സഞ്ജു സാംസൺ പറഞ്ഞു. 

ഈ ലോകകപ്പിൽ കളിച്ച 7 മത്സരങ്ങളിൽ നിന്ന് വെറും 89 റൺസ് മാത്രമാണ് അഭിഷേകിന് നേടാനായത്. ഇതിൽ 55 റൺസ് സിംബാബ്‌വെക്കെതിരെ നേടിയതാണ്. ബാക്കി 6 ഇന്നിംഗ്‌സുകളിലും 20 റൺസ് കടക്കാൻ പോലും താരത്തിന് സാധിച്ചില്ല. മൂന്ന് തവണ താരം പൂജ്യത്തിന് പുറത്താവുകയും ചെയ്‌തു. ഫൈനൽ മത്സരത്തിൽ അഭിഷേകിന്റെ ബാറ്റിൽ നിന്നും മികച്ച പ്രകടനങ്ങൾ ഉണ്ടാവുമോയെന്ന് കണ്ടുതന്നെ അറിയണം. 

അതേസമയം സെമി ഫൈനലിൽ ഇംഗ്ലണ്ടിനെ ഏഴ് റൺസിന്‌ വീഴ്ത്തിയാണ് ഇന്ത്യ ഫൈനലിലേക്ക് മുന്നേറിയത്. കഴിഞ്ഞ ദിവസം മുംബൈ വാംഖഡെ സ്റ്റേഡിയത്തിൽ നടന്ന മത്സരത്തിൽ ആദ്യം ബാറ്റ് ചെയ്ത ഇന്ത്യ ഉയർത്തിയ 253 റൺസ് വിജയലക്ഷ്യം പിന്തുടർന്ന ഇംഗ്ലണ്ട് 246 റൺസിൽ തങ്ങളുടെ പോരാട്ടം അവസാനിപ്പിച്ചു. 

Ahead of the T20 World Cup final, Malayali star Sanju Samson has come out in support of Indian opener Abhishek Sharma. Sanju said that the final will be Abhishek Sharma's day. Sanju said that every player has ups and downs and he still has faith in Abhishek.